27 ಲಕ್ಷ ವಶ ಪ್ರಕರಣ: ಕೂಗನೋಳಿ ಚೆಕ್ ಪೋಸ್ಟ್ ಗೆ ಬೆಳಗಾವಿ ಡಿಸಿ ಹಾಗೂ ಎಸ್ ಪಿ ಭೇಟಿ

ಚಿಕ್ಕೋಡಿ: ಕೂಗನೋಳಿ ಚೆಕ್ ಪೋಸ್ಟ್ ದಲ್ಲಿ ಕಳೆದ 2 ದಿನಗಳಿಂದ 27 ಲಕ್ಷ ದಾಖಲೆ ಇಲ್ಲದ ಹಣ ಪತ್ತೆ ಹಿನ್ನೆಲೆಯಲ್ಲಿ ಕೂಗನೋಳಿ ಚೆಕ್ ಪೋಸ್ಟ್ ಗೆ ಬೆಳಗಾವಿ ಡಿಸಿ ಹಾಗೂ ಎಸ್ ಪಿ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. 

ರಾಷ್ಟ್ರೀಯ ಹೆದ್ದಾರಿ 4 ರಲ್ಲಿ ಮಹಾರಾಷ್ಟ್ರ ಹಾಗೂ ಕರ್ನಾಟಕ ಗಡಿಯಲ್ಲಿರುವ ಚೆಕ್ ಪೋಸ್ಟ ಗೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ ಬೆಳಗಾವಿ ಜಿಲ್ಲಾಧಿಕಾರಿ ಜಿಯಾಉಲ್ಲಾ  ಹಾಗೂ ಪೊಲೀಸ್ ವರಿಷ್ಠಾಧಿಕಾರಿ ಸುಧೀರಕುಮಾರ ರೆಡ್ಡಿ ಕಟ್ಟೆಚ್ಚರ ವಹಿಸುವಂತೆ ಅಧಿಕಾರಿಗಳಿಗೆ ಸೂಚನೆ ನೀಡಿದರು.

ಅಕ್ರಮ ಹಣ ಸಾಗಾಟ ತಡೆಯುವಂತೆ ಕಟ್ಟು ನಿಟ್ಟಾಗಿ ಕಾರ್ಯನಿರ್ವಹಿಸಲು ಸೂಚನೆ ನೀಡಿದ್ದು, ಮಹಾ ಮತ್ತು ಕರ್ನಾಟಕ ರಾಜ್ಯದ ಗಡಿ ಚಕ್ ಫೋಸ್ಟ್ ಮೇಲೆ ಅಧಿಕಾರಿಗಳ ಹದ್ದಿನ ಕಣ್ಣು ಇರಿಸಿದ್ದಾರೆ ಎಂದು ಮೂಲಗಳು ತಿಳಿಸಿವೆ.