ಪ್ರೇಮಲೋಕಕ್ಕೆ ಹೊಸ ಲುಕ್ ಮಾಡಿಕೊಂಡ ವಿಜಯ್ ಸೂರ್ಯ

ಬೆಂಗಳೂರು: ಅಗ್ನಿಸಾಕ್ಷಿ ಧಾರವಾಹಿ ನಾಯಕ, ಕಿರುತೆರೆಯ ಹಾರ್ಟ್ ಥ್ರೋಬ್ ವಿಜಯ್ ಸೂರ್ಯ ಸ್ಟಾರ್ ಸುವರ್ಣ ವಾಹಿನಿಯ ಪ್ರೇಮಲೋಕ ಧಾರವಾಹಿಗೆ ನಾಯಕರಾಗುತ್ತಿದ್ದಾರೆ.

ಈಗ ವಿಜಯ್ ಈ ಧಾರವಾಹಿಯ ಪ್ರೋಮೋ ಶೂಟ್ ನಲ್ಲಿ ಪಾಲ್ಗೊಂಡಿದ್ದಾರೆ. ಆ ಪ್ರೋಮೋಗಳು ಬಿಡುಗಡೆಯಾಗಿ ಉತ್ತಮ ರೆಸ್ಪಾನ್ಸ್ ಸಿಕ್ಕುತ್ತಿದೆ. ವಿಶೇಷವೆಂದರೆ ಈ ಧಾರವಾಹಿಗಾಗಿ ವಿಜಯ್ ತಮ್ಮ ಹಳೆಯ ಲುಕ್ ಗೆ ಮರಳಿದ್ದಾರೆ.

ಕಳೆದ ಕೆಲವು ತಿಂಗಳುಗಳಿಂದ ದಾಡಿ, ಮೀಸೆ ಬಿಟ್ಟುಕೊಂಡಿದ್ದ ವಿಜಯ್ ಸೂರ್ಯ ಈಗ ಪ್ರೇಮಲೋಕ ಧಾರವಾಹಿಗಾಗಿ ಗಡ್ಡಕ್ಕೆ ಕತ್ತರಿ ಹಾಕಿದ್ದು ನೀಟಾಗಿ ಶೇವ್ ಮಾಡಿ ತಮ್ಮ ಗುಳಿಕೆನ್ನೆಗಳ ದರ್ಶನ ನೀಡಲಿದ್ದಾರೆ. ವಿಜಯ್ ಹೊಸ ಲುಕ್ ನೋಡಿ ಅಭಿಮಾನಿಗಳು ಸಾಮಾಜಿಕ ಜಾಲತಾಣದಲ್ಲಿ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.