ಬೆಂಗಳೂರು: ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ರಾಮಚಾರಿ ಧಾರವಾಹಿಯ ನಾಯಕ ರಾಮಚಾರಿ ಮತ್ತು ಚಾರುಲತಾ ಮತ್ತೊಮ್ಮೆ ನೆಟ್ಟಿಗರ ಬಾಯಿಗೆ ಆಹಾರವಾಗಿದ್ದಾರೆ. ಇದಕ್ಕೆ ಚಾರುಲತಾ ಅಲಿಯಾಸ್ ನಟಿ ಮೌನ ಪ್ರಕಟಿಸಿ ವಿಡಿಯೋ ಒಂದು ಕಾರಣ.
ಮೌನ ಗುಡ್ಡೆ ಮನೆ ಈ ಧಾರವಾಹಿಯಲ್ಲಿ ನಾಯಕಿ ಚಾರುಲತಾ ಪಾತ್ರ ಮಾಡುತ್ತಿದ್ದಾರೆ. ರಿತ್ವಿಕ್ ಕೃಪಾಕರ್ ಹೀರೋ ರಾಮಚಾರಿ ಪಾತ್ರ ಮಾಡುತ್ತಿದ್ದಾರೆ. ಈ ಧಾರವಾಹಿಯ ನಾಯಕ, ನಾಯಕಿ ನಿಜ ಜೀವನದಲ್ಲೂ ಉತ್ತಮ ಬಾಂಧವ್ಯ ಹೊಂದಿದ್ದಾರೆ. ಇದೇ ಕಾರಣಕ್ಕೆ ಇಬ್ಬರೂ ನಿಜ ಜೀವನದಲ್ಲೂ ಜೋಡಿಯಾಗಲಿ ಎಂದು ಎಷ್ಟೋ ಜನ ಅಭಿಮಾನಿಗಳು ಹಾರೈಸುತ್ತಿದ್ದಾರೆ.
ಈ ನಡುವೆ ಮೌನ ತಮ್ಮ ಇನ್ ಸ್ಟಾಗ್ರಾಂನಲ್ಲಿ ರಿತ್ವಿಕ್ ಜೊತೆಗಿನ ಸೆಲ್ಫೀ ವಿಡಿಯೋವೊಂದನ್ನು ಹಂಚಿಕೊಂಡಿದ್ದಾರೆ. ಇತ್ತೀಚೆಗಿನ ದಿನಗಳಲ್ಲಿ ಪದೇ ಪದೇ ರಿತ್ವಿಕ್ ಜೊತೆಗಿನ ಫೋಟೋ, ವಿಡಿಯೋಗಳನ್ನು ಹಂಚಿಕೊಳ್ಳುತ್ತಿರುವ ಮೌನ ಇದೆಲ್ಲಾ ಚಾರು-ಚಾರಿ ಅಭಿಮಾನಿಗಳಿಗಾಗಿ ಎಂದು ಬರೆದುಕೊಳ್ಳುತ್ತಿದ್ದಾರೆ.
ಇದಕ್ಕೆ ನೆಟ್ಟಿಗರು ನಟಿಯ ಕಾಲೆಳೆದಿದ್ದಾರೆ. ಚಾರು ಚಾರಿ ಎಲ್ಲ ನೆಪ ಮಾತ್ರ. ನಿಜಕ್ಕೂ ನೀವು ರಿತ್ವಿಕ್ ರನ್ನು ಲವ್ ಮಾಡ್ತಿದ್ದೀರಲ್ವಾ ಎಂದು ನೆಟ್ಟಿಗರೊಬ್ಬರು ಕಾಮೆಂಟ್ ಮಾಡಿದ್ದಾರೆ. ಇನ್ನು ಕೆಲವರು ಜೋಡಿ ಸೂಪರ್ ಆಗಿದೆ, ನಿಜ ಜೀವನದಲ್ಲೂ ಜೋಡಿಯಾಗಿ ಎಂದು ಹಾರೈಸಿದ್ದಾರೆ.
