ಬೆಂಗಳೂರು: ಬಿಗ್ ಬಾಸ್ ಮನೆಯಲ್ಲಿರುವ ಆಶಿತಾ ಹಾಗೂ ಜಗನ್ ಮೇಲೆ ವೀಕ್ಷಕರು ಸಖತ್ ಗರಂ ಆಗಿದ್ದಾರೆ. ಮೊದಲು ಮನೆಯಿಂದ ಅವರಿಬ್ಬರು ಹೋಗಲಿ ಎನ್ನುತ್ತಿದ್ದಾರೆ.
ಮನೆಯಲ್ಲಿ ಇವರಿಬ್ಬರ ವರ್ತನೆ ಸರಿಯಲ್ಲ. ಜಯ ಶ್ರೀನಿವಾಸನ್ ಸೇರಿದಂತೆ ಮನೆಯ ಕೆಲ ಸದಸ್ಯರಿಗೆ ಮರ್ಯಾದೆ ನೀಡುತ್ತಿಲ್ಲ. ಕೇವಲವಾಗಿ ಮಾತನಾಡುವ ಆಶಿತಾ ವರ್ತನೆ ವೀಕ್ಷಕರಿಗೆ ತುಂಬಾ ಬೇಸರ ತರಿಸಿದೆ. ಹಿರಿಯ ವಯಸ್ಸಿನವರಿಗೆ ಗೌರವ ನೀಡುತ್ತಿಲ್ಲ ಎಂದು ನೆಟಿಜನರು ಆರೋಪಿಸಿದ್ದಾರೆ.
ಒಂದು ಟಾಸ್ಕ್ ನಲ್ಲಿ ರಿಯಾಜ್ ಗೆಲುವು ಸಾಧಿಸಿದಾಗ ಆಶಿತಾ `ಶಿಟ್’ ಎಂದು ಹೇಳಿದ್ದರು. ಅಲ್ಲದೆ ಪದೇ ಪದೇ ಜಯ ಶ್ರೀನಿವಾಸನ್ ವಿರುದ್ಧ ತಿರುಗಿ ಬೀಳ್ತಿರೋದಕ್ಕೆ ಆಕೆಯನ್ನ `ಬಕೆಟ್’ಗೆ ಹೋಲಿಸಿದ್ದಾರೆ.
ಈಗಾಗಲೇ ಸಾಮಾಜಿಕ ಜಾಲತಾಣಗಳಲ್ಲಿ ಇವರ ಬಗ್ಗೆ ಆಕ್ರೋಶ ವ್ಯಕ್ತವಾಗಿದೆ. ದುರಹಂಕಾರಿಗಳು ಮನೆಯಿಂದ ಆದಷ್ಟು ಬೇಗ ಹೊರ ಬರಲಿ ಎಂದು ಕಾಮೆಂಟ್ ಮಾಡುತ್ತಿದ್ದಾರೆ. ಸೆಲೆಬ್ರಿಟಿ ಸ್ಪರ್ಧಿಗಳಲ್ಲಿ ಇವರಿಬ್ಬರೇ ಅತಿ ಹೆಚ್ಚು ಕೆಟ್ಟ ಸ್ಪರ್ಧಿಗಳು ಎಂದು ತಮ್ಮ ಅಭಿಪ್ರಾಯ ಹೊರಹಾಕಿದ್ದಾರೆ.