ಬೆಂಗಳೂರು: ಬಿಗ್‌ಬಾಸ್‌ ಮನೆಯಲ್ಲಿ ಈಗಾಗಲೇ ಮೂರು ಎಲಿಮಿನೇಟ್ ಆಗಿದ್ದು, ಮನೆಯಲ್ಲಿ ದಿನದಿಂದ ದಿನಕ್ಕೆ ಹಲವು ಬದಲಾವಣೆಗಳು ಕಾಣುತ್ತಿವೆ.
ನಿವೇದಿತಾ ಮನೆಯಲ್ಲಿರುವ ಇತರೆ ಸ್ಪರ್ಧಿಗಳ ಪೈಕಿ ಕಿರಿಯಳು. ಈಕೆ ಮನೆಗೆ ಬಂದಾಗಿನಿಂದ ಮಗುವಿನಂತೆ ಎಲ್ಲರೂ ಟ್ರೀಟ್ ಮಾಡುತ್ತಿದ್ದರು. ಆದರೆ ಈಗ ಆಕೆಯ ಮೇಲಿನ ಅಭಿಪ್ರಾಯ ಬದಲಾಗಿದೆ. ಕೃಷಿ, ಆಶಿತಾ, ಶೃತಿ ಹಾಗೂ ಅನುಪಮಾ ಈ ಬಗ್ಗೆ ಬೆಡ್ ರೂಂ ಏರಿಯಾದಲ್ಲಿ ಚರ್ಚೆ ನಡೆಸಿದ್ದಾರೆ. ನಿವೇದಿತಾ ನಾವಂದುಕೊಂಡಂತಲ್ಲ. ಆಕೆ ಪಕ್ಕಾ ಪ್ಲಾನ್ ಮಾಡಿಕೊಂಡು ಗೇಮ್ ಆಡುತ್ತಿದ್ದಾಳೆ. ಹೀಗಾಗಿ ಜನ ಹೆಚ್ಚು ವೋಟ್ ಮಾಡುತ್ತಿದ್ದು, ನಾಲ್ಕು ವಾರದಿಂದಲೂ ಮನೆಯಲ್ಲಿಯೇ ಇದ್ದಾಳೆ ಎಂದು ಚರ್ಚೆ ನಡೆಸಿದರು.
ಇನ್ನು ಮನೆಯಲ್ಲಾಗುತ್ತಿರುವ ಬದಲಾವಣೆ ಬಗ್ಗೆ ನಿವೇದಿತಾಗೂ ತಿಳಿದಿದೆ. ಮೊನ್ನೆ ಸಹ ಈ ಬಗ್ಗೆ ಸಿಹಿಕಹಿ ಚಂದ್ರು ಬಳಿ ಹೇಳಿ ಕಣ್ಣೀರಿಟ್ಟಿದ್ದಳು. ನಿನ್ನೆ ಸಹ ಕಣ್ಣೀರಿಟ್ಟಿದ್ದಾಳೆ. ಸದ್ಯ ಮನೆಯ ಸದಸ್ಯರು ಊಟ, ಕಾಫಿ, ಟೀ ತೆಗೆದುಕೊಂಡಿದ್ದಾರ ಎಂದು ವಿಚಾರಿಸಿಕೊಳ್ಳುವ ಜವಾಬ್ದಾರಿ ನಿವೇದಿತಾಗೆ ವಹಿಸಲಾಗಿದೆ. 'ಟ್ರೂತ್‌ ಆ್ಯಂಡ್ ಡೇರ್‌' ಗೇಮ್ ಅನ್ವಯ ನಿವೇದಿತಾಳ ಬಳಿ ಬಂದ ಜಗನ್, ನೀನು ಊಟಕ್ಕೆ ಕರೆದಾಗ ನನಗೆ ಕಿರಿಕಿರಿ ಅನ್ನಿಸಿತು. ನಿನ್ನ ಮೇಲೆ ಕೋಪ ಬಂದಿತ್ತು ಎಂದು ನೇರವಾಗಿ ಹೇಳಿದ್ರು.
ಹೀಗಾಗಿ ಜಗನ್ ವರ್ತನೆಯಿಂದ ನಿವೇದಿತಾ ಮತ್ತೆ ಕಣ್ಣೀರಿಟ್ಟಿದ್ದಾರೆ. ಮನೆಯಲ್ಲಿ ಎಲ್ಲರೂ ವಿಚಿತ್ರವಾಗಿ ವರ್ತಿಸುತ್ತಿದ್ದಾರೆ. ನಾನು ಯಾರಿಗೂ ಏನೂ ಮಾಡಿಲ್ಲ. ಎಲ್ಲರೂ ನನ್ನ ಜತೆ ಹೀಗೇಕೆ ಮಾಡುತ್ತಿದ್ದಾರೆ ಎಂದು ಬಿಕ್ಕಿಬಿಕ್ಕಿ ಅತ್ತಳು ನಿವೇದಿತಾ.
