ಇಬ್ಬರು ಮಕ್ಕಳ ಮುದ್ದಿನ ತಾಯಿಯ ಕತೆ ಹೇಳಲು ಹೊರಟಿರುವ ಸೂಪರ್ ಹಿಟ್ ಧಾರವಾಹಿಗಳ ನಿರ್ದೇಶಕ

ಬೆಂಗಳೂರು: ಉದಯ ಟಿವಿಯಲ್ಲಿ ಮತ್ತೊಂದು ಹೊಸ ಧಾರವಾಹಿ ಆರಂಭವಾಗಲಿದ್ದು, ಇದರಲ್ಲಿ ಇಬ್ಬರು ಮಕ್ಕಳ ತಾಯಿಯ ಮೆಚ್ಯೂರ್ಡ್ ಕತೆ ಇರಲಿದೆ.

ಯಜಮಾನ ಪ್ರೊಡಕ್ಷನ್ ಹೌಸ್ ನಿರ್ಮಾಣದ ಧಾರವಾಹಿ ‘ಕ್ಷಮಾ’ ಮಾರ್ಚ್ 4 ರಿಂದ ಸೋಮವಾರದಿಂದ ಶುಕ್ರವಾರ ರಾತ್ರಿ 8 ಕ್ಕೆ ಪ್ರಸಾರವಾಗಲಿದೆ. ಬೆಳೆದು ನಿಂತ ಇಬ್ಬರು ಮಕ್ಕಳ ತಾಯಿ ಗಂಡನೂ ಇಲ್ಲದೇ ಒಂದು ಸಂಸಾರವನ್ನು ಹೇಗೆ ಸರಿದೂಗಿಸಿಕೊಂಡು ಹೋಗುತ್ತಾಳೆ ಎಂಬುದೇ ಈ ಕತೆ.

ಕ್ಷಮಾ ಪಾತ್ರಧಾರಿಯಾಗಿ ಶ್ವೇತಾ ರಾವ್, ಇತರ ತಾರಾಗಣದಲ್ಲಿ ವಿಶ್ವಾಸ್ ಭಾರಧ್ವಾಜ್, ಲತಾ, ವಿಕ್ಕಿ ಮುಂತಾದವರು ಇದ್ದಾರೆ. ಸೂಪರ್ ಹಿಟ್ ಧಾರವಾಹಿಗಳ ನಿರ್ದೇಶಕ ಭಾರತೀಶ್ ನಿರ್ದೇಶನ ಮಾಡುತ್ತಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.