ಅಪ್ಪಾವ್ರು ವಿಷ್ಣುವರ್ಧನ್ ಜತೆ ಹೋಲಿಕೆಗೆ ಭಾವುಕರಾದ ಅನಿರುದ್ಧ್

ಬೆಂಗಳೂರು: ಸಾಹಸ ಸಿಂಹ ವಿಷ್ಣುವರ್ಧನ್ ಮುತ್ತಿನ ಹಾರ ಸಿನಿಮಾದಲ್ಲಿ ಕೊಡವರ ವೇಷ ಧರಿಸಿ ಮಿಂಚಿದ್ದರು. ಇದೀಗ ಜೊತೆ ಜೊತೆಯಲಿ ಧಾರವಾಹಿಯಲ್ಲಿ ವಿಷ್ಣುವರ್ಧನ್ ಅಳಿಯ ಅನಿರುದ್ಧ್ ಕೊಡವರ ವೇಷದಲ್ಲಿ ಕಾಣಿಸಿಕೊಂಡಿದ್ದಾರೆ.

ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುವ ಧಾರವಾಹಿಯಲ್ಲಿ ದೃಶ್ಯವೊಂದರಲ್ಲಿ ಆರ್ಯವರ್ಧನ್ ಪಾತ್ರಧಾರಿ ಅನಿರುದ್ಧ್ ಕೊಡವರ ವೇಷದಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಎರಡೂ ದೃಶ್ಯಗಳನ್ನು ಕೊಲೇಜ್ ಮಾಡಿ ಜೀ ಕನ್ನಡ ಸಾಹಸ ಸಿಂಹನನ್ನು ವಿಶೇಷವಾಗಿ ಸ್ಮರಿಸಿಕೊಂಡಿತ್ತು.

ಇದನ್ನು ನೋಡಿ ಭಾವುಕರಾದ ಅನಿರುದ್ಧ್ ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಅಪ್ಪಾವ್ರ ಆಶೀರ್ವಾದ ಸಿಕ್ಕಿದ್ದು, ನನಗೆ ಪೂರ್ವಜನ್ಮದ ಪುಣ್ಯ’ ಎಂದು ಬರೆದುಕೊಂಡಿದ್ದಾರೆ. ಆದರೆ ಆರ್ಯವರ್ಧನ್ ಪಾತ್ರಧಾರಿ ಅನಿರುದ್ಧ್ ಕೊಡವರ ವೇಷ ವೀಕ್ಷಕರಿಗೆ ಭಾರೀ ಇಷ್ಟವಾಗಿದ್ದು ಸುಳ್ಳಲ್ಲ.