ಮುಂಬೈ: ಬಾಲಿವುಡ್ ಹೀರೋ ಅಜಯ್ ದೇವಗನ್ ಯೋಗ ಗುರು ಬಾಬಾ ರಾಮ್ ದೇವ್ ಬಗ್ಗೆ ಟಿವಿ ಸರಣಿ ನಿರ್ಮಿಸಲಿದ್ದಾರಾ? ಹೀಗೊಂದು ಸುದ್ದಿ ಹಬ್ಬಿದೆ.
ಹೌದು. ಪತ್ರಿಕೆಯೊಂದರ ಪ್ರಕಾರ ಯೋಗ ಗುರು ಬಾಬಾ ರಾಮ್ ದೇವ್ ರ ಜೀವನಗಾಥೆಯನ್ನು ಕಿರು ತೆರೆ ಮೇಲೆ ತರಲು ದೇವಗನ್ ಯೋಜನೆ ಹಾಕಿಕೊಂಡಿದ್ದಾರಂತೆ. ಅದಕ್ಕಾಗಿ ಈಗಾಗಲೇ ತಯಾರಿಯನ್ನೂ ನಡೆಸಿದ್ದಾರಂತೆ.
ಬಾಬಾ ರಾಮ್ ದೇವ್: ಅನ್ ಟೋಲ್ಡ್ ಸ್ಟೋರಿ ಹೆಸರಿನ ಈ ಸರಣಿಯಲ್ಲಿ ರಾಮ್ ದೇವ್ ಮತ್ತು ಅವರ ಸಹಚರ ಬಾಲಕೃಷ್ಣ ಅವರ ಕುರಿತಾದ ಮಾಹಿತಿಗಳು ಇರಲಿವೆ ಎಂದು ವರದಿಯಲ್ಲಿ ಹೇಳಲಾಗಿದೆ. ಸದ್ಯಕ್ಕೆ ಬಾಬಾ ಜೀವನದ ಬಗ್ಗೆ ಅಧ್ಯಯನ ನಡೆಯುತ್ತಿದೆಯಂತೆ. ಎಲ್ಲಾ ತಯಾರಿ ಮುಗಿದ ಮೇಲೆ ಅಜಯ್ ಅಧಿಕೃತ ಪ್ರಕಟಣೆ ಹೊರಹಾಕುವ ಸಾಧ್ಯತೆಯಿದೆ.
