ವನೇಸಾ ಸೋಲಿನೊಂದಿಗೆ ವಿನೇಶ್ ಪೋಗಟ್ ಕಂಚಿನ ಕನಸೂ ಭಗ್ನ

ಟೋಕಿಯೋ: ಟೋಕಿಯೋ ಒಲಿಂಪಿಕ್ಸ್ ನಲ್ಲಿ ಕನಿಷ್ಠ ಕಂಚಿನ ಪದಕವಾದರೂ ಗೆಲ್ಲುವ ಭಾರತದ ಕುಸ್ತಿಪಟು ವಿನೇಶ್ ಪೋಗಟ್ ಕನಸು ಭಗ್ನವಾಗಿದೆ.

ಒಂದು ಸೆಮಿಫೈನಲ್ ನಲ್ಲಿ ಬೆಲಾರಸ್ ನ ವನೇಸಾ ಗೆದ್ದಿದ್ದರೆ ವಿನೇಶ್ ಗೆ ಕಂಚಿನ ಪದಕಕ್ಕಾಗಿ ಮತ್ತೊಂದು ಪಂದ್ಯವಾಡುವ ಅವಕಾಶವಿತ್ತು. ಆದರೆ ವಿನೇಶ್ ಕ್ವಾರ್ಟರ್ ಫೈನಲ್ ಎದುರಾಳಿಯಾಗಿದ್ದ ವನೇಸಾ ಸೆಮಿಫೈನಲ್ ನಲ್ಲಿ ಸೋಲುವುದರೊಂದಿಗೆ ಈ ಅವಕಾಶ ತಪ್ಪಿದೆ.

ಇದರೊಂದಿಗೆ ಭಾರೀ ನಿರೀಕ್ಷೆ ಹೊಂದಿದ್ದ ಭಾರತದ ಮಹಿಳಾ ಕುಸ್ತಿಪಟುವಿನ ಟೋಕಿಯೋ ಒಲಿಂಪಿಕ್ ಪ್ರಯಾಣ ಮುಕ್ತಾಯವಾಗಿದೆ.