ನವದೆಹಲಿ: ನಿನ್ನೆ ರಾತ್ರಿ ನಮ್ಮನ್ನಗಲಿದ ಓಟದ ದಂತಕತೆ ಮಿಲ್ಖಾಸಿಂಗ್ ಗೆ ಭಾರತ ರತ್ನ ನೀಡಿ ಎಂದು ಟ್ವಿಟರಿಗರು ಕೇಂದ್ರ ಸರ್ಕಾರವನ್ನು ಆಗ್ರಹಿಸಿದ್ದಾರೆ.
ಮಿಲ್ಖಾ ಸಿಂಗ್ ಅಗಲುವಿಕೆಗೆ ಕಂಬನಿ ವ್ಯಕ್ತಪಡಿಸಿರುವ ಟ್ವಿಟರಿಗರು, ಅವರು ಎಷ್ಟೋ ಮಂದಿಗೆ ಆದರ್ಶ. ಕಠಿಣ ಪರಿಸ್ಥಿತಿಯಲ್ಲೂ ದೇಶಕ್ಕೆ ಹೆಮ್ಮೆ ತಂದವರು. ಅವರಿಗೆ ಮರಣೋತ್ತರವಾಗಿ ಭಾರತ ರತ್ನ ನೀಡಿ ಗೌರವಿಸಿ ಎಂದು ಟ್ವಿಟಿಗರು ಆಗ್ರಹಿಸಿದ್ದಾರೆ.
ಇದಕ್ಕಾಗಿ ಆನ್ ಲೈನ್ ಅಭಿಯಾನವನ್ನೇ ಆರಂಭಿಸಿರುವ ನೆಟ್ಟಿಗರು, ಪ್ರಧಾನಿ ಮೋದಿ, ಗೃಹ ಸಚಿವ ಅಮಿತ್ ಶಾ ಹೆಸರುಗಳನ್ನು ಟ್ಯಾಗ್ ಮಾಡಿದ್ದಾರೆ.
