ಮೊದಲ ಸೆಟ್‌ನಲ್ಲಿ ಸೋತರೂ ಭಾರತದ ಬ್ಯಾಡ್ಮಿಂಟನ್ ತಾರೆ ಸೈನಾ ನೆಹ್ವಾ ಎರಡು ಮತ್ತು ಮೂರನೇ ಸೆಟ್‌ನಲ್ಲಿ ಹಣಾಹಣಿ ಹೋರಾಟ ನೀಡಿ ಆಸ್ಟ್ರೇಲಿಯಾ ಓಪನ್ ಸೂಪರ್ ಸೀರೀಸ್ ಬ್ಯಾಡ್ಮಿಂಟನ್ ಪ್ರಶಸ್ತಿಯನ್ನು ಮುಡಿಗೇರಿಸಿಕೊಂಡರು. ಮೊದಲ ಸೆಟ್‌ನಲ್ಲಿ ಚೀನಾದ ಸನ್ ಯು ಅವರ ವಿರುದ್ಧ 11-21ರಿಂದ ಸೋತರೂ ವಿಚಲಿತರಾಗದ ಸೈನಾ ಎರಡು ಮತ್ತು ಮೂರನೇ ಸೆಟ್‌ಗಳನ್ನು 21-14 ಮತ್ತು 21-19ರಿಂದ ಗೆದ್ದು ಪ್ರಶಸ್ತಿ ಮುಡಿಗೇರಿಸಿಕೊಂಡರು.
ಮೊದಲ ಸೆಟ್‌ನಲ್ಲಿ ಸೈನಾ ಕೆಲವು ತಪ್ಪುಗಳನ್ನು ಮಾಡಿ ಸನ್ ಮುನ್ನಡೆ ಗಳಿಸಿದರು. ಆದರೆ ಎರಡು ಮತ್ತು ಮೂರನೇ ಸೆಟ್‌‌ಗಳಲ್ಲಿ ಹಣಾಹಣಿ ಹೋರಾಟ ನೀಡಿದ ಸೈನಾ ತಮ್ಮ ಬ್ಯಾಕ್ ಹ್ಯಾಂಡ್ ಶಾಟ್‌ಗಳಿಂದ ಮತ್ತು ವೇಗದ ಸರ್ವ್‌ಗಳಿಂದ ಎರಡೂ ಸೆಟ್‌ಗಳನ್ನು ಗೆದ್ದುಕೊಂಡರು. ಕೊನೆಯ ಸೆಟ್‌ನಲ್ಲಿ ಸನ್ ತೀವ್ರ ಹೋರಾಟ ನೀಡಿದರು. ಸನ್ ತಮ್ಮ ನಿಖರ ಹೊಡೆತಗಳ ಮೂಲಕ ಸೈನಾ ಅವರಿಗೆ 14-15ರಿಂದ ಅತೀ ಸಮೀಪಕ್ಕೆ ಬಂದಿದ್ದರು. ಆದರೆ ಸೈನಾ ಚೇತರಿಸಿಕೊಂಡು 2 ಪಾಯಿಂಟ್‌‍ಗಳಿಂದ ಕೊನೆಯ ಸೆಟ್ ಗೆದ್ದುಕೊಂಡರು.
ಸೈನಾ ಚೀನಾ ಓಪನ್ ಸೂಪರ್ ಸೀರೀಸ್ ಫೈನಲ್ಸ್ ಕೂಡ ಮುಟ್ಟಿದ್ದರು. ಆದರೆ ಹಿಮ್ಮಡಿ ಗಾಯದಿಂದ ಕೆಲವು ಪಂದ್ಯಾವಳಿಯನ್ನು ಸೈನಾ ಮಿಸ್ ಮಾಡಿಕೊಂಡಿದ್ದರು.
ತಾಜಾ ಸುದ್ದಿಗಳನ್ನು ಓದಲು ಮೊಬೈಲ್ ಆಪ್ ಡೌನ್‍ಲೋಡ್ ಮಾಡಿಕೊಳ್ಳಿ
