ಪ್ಯಾರಾಲಿಂಪಿಕ್ಸ್ ಪಟುಗಳಿಗೆ ಇಂದು ಪ್ರಧಾನಿ ಮೋದಿ ಚಹಾ ಕೂಟ

ನವದೆಹಲಿ: ಪ್ಯಾರಾಲಿಂಪಿಕ್ಸ್ ನಲ್ಲಿ ಅತ್ಯಧಿಕ ಮೆಡಲ್ ಸಂಪಾದಿಸಿ ಭಾರತದ ಕೀರ್ತಿ ಹೆಚ್ಚಿಸಿದ ಭಾರತೀಯ ಕ್ರೀಡಾಪಟುಗಳೊಂದಿಗೆ ಇಂದು ಪ್ರಧಾನಿ ಮೋದಿ ಸಂವಾದ ನಡೆಸಲಿದ್ದಾರೆ.

ಈ ಮೊದಲು ಒಲಿಂಪಿಕ್ ಕ್ರೀಡಾಪಟುಗಳೊಂದಿಗೆ ಚಹಾ ಕೂಟ ನಡೆಸಿದಂತೇ ಪ್ಯಾರಾಲಿಂಪಿಕ್ಸ್ ತಾರೆಯರೊಂದಿಗೂ ಕೂಟವೇರ್ಪಡಿಸಿ ಸಂವಾದ ನಡೆಸಲಿದ್ದಾರೆ.

ಈ ಬಾರಿ ಪ್ಯಾರಾಲಿಂಪಿಕ್ಸ್ ನಲ್ಲಿ 19 ಪದಕ ಗೆದ್ದ ಭಾರತ ಇತಿಹಾಸ ಬರೆದಿತ್ತು. ಇದೀಗ ಇವರೆಲ್ಲರನ್ನೂ ಪ್ರಧಾನಿ ಮೋದಿ ಸನ್ಮಾನಿಸಲಿದ್ದಾರೆ ಎಂದು ಕ್ರೀಡಾ ಸಚಿವ ಅನುರಾಗ್ ಠಾಕೂರ್ ಹೇಳಿದ್ದಾರೆ.