ನವದೆಹಲಿ: ಫುಟ್ ಬಾಲ್ ನಲ್ಲಿ ಭಾರತದ ಮಹಿಳೆಯರು ಅದ್ಭುತ ಸಾಧನೆ ಮಾಡಿದ್ದಾರೆ. ಎಸ್ಎಎಫ್ಎಪ್ ಮಹಿಳಾ ಫುಟ್ ಬಾಲ್ ಚಾಂಪಿಯನ್ ಶಿಪ್ ನಲ್ಲಿ ಬಾಂಗ್ಲಾದೇಶವನ್ನು 3-1 ರಿಂದ ಸೋಲಿಸಿ ಪ್ರಶಸ್ತಿ ಮುಡಿಗೇರಿಸಿದ್ದಾರೆ.
ಕಾಂಚನಜುಂಗಾ ಮೈದಾನದಲ್ಲಿ ಈ ಪಂದ್ಯ ನಡೆಯಿತು. ಭಾರತ ಮಹಿಳಾ ತಂಡ ಇದೀಗ ಸತತ 19 ಪಂದ್ಯಗಳಿಂದ ಸೋಲರಿಯದೆ ಮುನ್ನಗ್ಗುತ್ತಿದೆ. ಈ ಪಂದ್ಯದಲ್ಲಿ ಭಾರತದ ಪರ ದಾಂಗ್ಮೆ ಗ್ರೇಸ್, ಕಮಲಾ ದೇವಿ, ಸಿರತ್ ಜಹಾನ್ ಗೋಲು ಗಳಿಸಿದವರು.
ಒಂದು ಹಂತದಲ್ಲಿ ಪಂದ್ಯ 1-1 ರಿಂದ ಸಮಬಲ ಸಾಧಿಸಿದ್ದರೂ, ನಂತರ ಚೇತರಿಸಿಕೊಂಡ ಭಾರತ ಸತತವಾಗಿ ಎರಡು ಗೋಲು ಗಳಿಸಿ ಪಂದ್ಯ ಕೈ ವಶ ಮಾಡಿಕೊಂಡರು. ಕೊನೆಯ ಕ್ಷಣದಲ್ಲಿ ಸಿಕ್ಕಿದ ಅವಕಾಶವನ್ನು ಸಫಲವಾಗಿಸುವಲ್ಲಿ ಎದುರಾಳಿಗಳು ಎಡವಿದರು.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
