ಕಾಮನ್ ವೆಲ್ತ್ ನಲ್ಲಿಂದು ಭಾರತದ ಸ್ಟಾರ್ ಗಳು ಕಣಕ್ಕೆ: ಸಿಂಧು, ಹಿಮಾ ದಾಸ್ ಮೊದಲ ಪಂದ್ಯ ಇಂದು

ಬರ್ಮಿಂಗ್ ಹ್ಯಾಮ್: ಕಾಮನ್ ವೆಲ್ತ್ ಕ್ರೀಡಾಕೂಟದಲ್ಲಿ ಇಂದು ಭಾರತದ ಸ್ಟಾರ್ ಕ್ರೀಡಾಳುಗಳು ಕಣಕ್ಕಿಳಿಯುತ್ತಿದ್ದಾರೆ.

ಭಾರತದ ಖ್ಯಾತ ಬ್ಯಾಡ್ಮಿಂಟನ್ ತಾರೆ ಪಿ.ವಿ. ಸಿಂಧು ಇಂದು ಸಿಂಗಲ್ಸ್ ಈವೆಂಟ್ ನಲ್ಲಿ ಕಣಕ್ಕಿಳಿಯಲಿದ್ದು ಮೊದಲ ಪಂದ್ಯವನ್ನು ಆಡಲಿದ್ದಾರೆ. ಈ ಪಂದ್ಯ ಮಧ್ಯಾಹ್ನ 3 ಗಂಟೆಗೆ ಆರಂಭವಾಗಲಿದೆ. ಮಿಕ್ಸೆಡ್ ಈವೆಂಟ್ ನಲ್ಲಿ ಈಗಾಗಲೇ ಸಿಂಧು ನೇತೃತ್ವದ ಭಾರತ ತಂಡ ಬೆಳ್ಳಿ ಪದಕ ಗೆದ್ದುಕೊಂಡಿದೆ.

ಇನ್ನು, ಭಾರತದ ಹೆಮ್ಮೆಯ ಓಟಗಾರ್ತಿ ಹಿಮಾದಾಸ್ ಇಂದು 200 ಮೀ. ಓಟದಲ್ಲಿ ಸ್ಪರ್ಧೆಗಿಳಿಯಲಿದ್ದಾರೆ.  ಈ ಪಂಧ್ಯವೂ 3 ಗಂಟೆಗೆ ಆರಂಭವಾಗುವುದು. ಬಾಕ್ಸಿಂಗ್ ನಲ್ಲಿ ಅಮಿತ್ ಪಂಘಲ್ ಇಂದು ಅದೃಷ್ಟ ಪರೀಕ್ಷೆಗಿಳಿಯಲಿದ್ದಾರೆ. ಈ ಪಂದ್ಯ ಸಂಜೆ 4 ಗಂಟೆಗೆ ನಡೆಯಲಿದೆ. ಇದಲ್ಲದೆ ಸಂಜೆ 6.30 ಕ್ಕೆ ಭಾರತ ಪುರುಷರ ಮತ್ತು ವೇಲ್ಸ್ ತಂಡದ ನಡುವಿನ ಹಾಕಿ ಪಂದ್ಯ ನಡೆಯುವುದು.