ಟೋಕಿಯೋ: ಒಲಿಂಪಿಕ್ಸ್ ಇರಲಿ, ಪ್ಯಾರಾಲಿಂಪಿಕ್ಸ್ ಇರಲಿ, ಭಾರತ ಈ ವರ್ಷ ಮಾಡಿದ ಸಾಧನೆಯನ್ನು ಹಿಂದೆಂದೂ ಮಾಡಿರಲಿಲ್ಲ. ಅದರಲ್ಲೂ ಪ್ಯಾರಾಲಿಂಪಿಕ್ಸ್ ನಲ್ಲಿ ಭಾರತಕ್ಕೆ ಈ ಬಾರಿ ಪದಕಗಳ ಮಳೆಯಾಗಿದೆ.
ಇದುವರೆಗೆ ಭಾರತ ಒಂದು ಪದಕ ಗೆದ್ದರೇ ಹೆಚ್ಚು ಎನ್ನುವ ಪರಿಸ್ಥಿತಿ ಇತ್ತು. ಆದರೆ ಈ ಬಾರಿ ಪ್ರತಿ ನಿತ್ಯ ಒಂದಕ್ಕಿಂತ ಹೆಚ್ಚು ಪದಕ ಗೆಲ್ಲುವ ಮೂಲಕ ಅಮೋಘ ಸಾಧನೆ ಮಾಡಿದೆ.
ಇದುವರೆಗೂ ಪದಕವೇ ಗೆಲ್ಲದ ಸ್ಪರ್ಧೆಗಳಲ್ಲಿ ಚಿನ್ನ ಗೆದ್ದು ಸಾಧನೆ ಮಾಡಿದೆ. 1968 ರಿಂದ 2016 ರವರೆಗೆ ಭಾರತ ಗೆದ್ದಿದ್ದು 12 ಪ್ಯಾರಾಲಿಂಪಿಕ್ಸ್ ಪದಕಗಳನ್ನು ಮಾತ್ರ. ಆದರೆ ಈ ಬಾರಿ ಒಂದೇ ಕೂಟದಲ್ಲಿ 19 ಪದಕ ತನ್ನದಾಗಿಸಿಕೊಂಡಿದೆ. ಇದಕ್ಕಿಂತ ದೊಡ್ಡ ಸಾಧನೆ ಇನ್ನೊಂದಿದೆಯೇ? ನಮ್ಮ ಒಲಿಂಪಿಕ್ಸ್ ವೀರರ ಈ ಸಾಧನೆಗೆ ಒಂದು ಸೆಲ್ಯೂಟ್ ಹೇಳಲೇಬೇಕು.
