ಟೋಕಿಯೋ: ಆರ್ಚರಿ ಮಿಕ್ಸೆಡ್ ಡಬಲ್ಸ್ ವಿಭಾಗದಲ್ಲಿ ಪತಿ ಅತನು ದಾಸ್ ಜೊತೆ ಆಡಿದ್ರೆ ಫಲಿತಾಂಶವೇ ಬೇರೆ ಇರ್ತಿತ್ತು! ಹೀಗಂತ ವಿಶ್ವ ನಂ.1 ಆರ್ಚರಿ ತಾರೆ, ಭಾರತದ ದೀಪಿಕಾ ಕುಮಾರಿ ಹೇಳಿಕೊಂಡಿದ್ದಾರೆ.
ಟೋಕಿಯೋ ಒಲಿಂಪಿಕ್ಸ್ ನಲ್ಲಿ ಆರ್ಚರಿ ಮಿಕ್ಸೆಡ್ ಡಬಲ್ಸ್ ವಿಭಾಗದಲ್ಲಿ ದೀಪಿಕಾ ಪ್ರವೀಣ್ ಜಾಧವ್ ಜೊತೆಗೆ ಆಡಿದ್ದರು. ಆದರೆ ಈ ಹಿಂದೆ ಅತನು ಜೊತೆ ಆಡಿ ಹಲವು ಪಂದ್ಯ ಗೆದ್ದಿರುವ ದೀಪಿಕಾಗೆ ಈಗಲೂ ಅವರೇ ಜೊತೆಯಾಗಿರಬೇಕಿತ್ತು ಎಂಬ ಅಸಮಾಧಾನವಿದೆ.
ಒಂದು ವೇಳೆ ಅತನು ನನಗೆ ಜೊತೆಯಾಗಿದ್ದರೆ ಪಂದ್ಯದ ಫಲಿತಾಂಶವೇ ಬೇರೆಯಾಗುತ್ತಿತ್ತು. ಈಗ ಎಲ್ಲವೂ ಮುಗಿದಿದೆ. ಇನ್ನು ಇದರ ಬಗ್ಗೆ ಹೇಳಿಯೂ ಪ್ರಯೋಜನವಿಲ್ಲ’ ಎಂದು ದೀಪಿಕಾ ನಿರಾಸೆ ವ್ಯಕ್ತಪಡಿಸಿದ್ದಾರೆ.