ಮುಂಬೈ: ಸತತವಾಗಿ ಸುರಿಯುತ್ತಿರುವ ಮಳೆಯಿಂದಾಗಿ ಮಹಾನಗರಿ ಮುಂಬೈ ತತ್ತರಿಸಿ ಹೋಗಿದೆ. ಮಳೆಗೆ ಬಡವರಾದೇನು? ಶ್ರೀಮಂತರಾದರೇನು? ಹರಿಯುವ ನೀರಿನ ಎದುರು ಎಲ್ಲರೂ ಒಂದೇ.
ಇದಕ್ಕೆ ತಾಜಾ ಉದಾಹರಣೆ ಎಂಬಂತೆ ಟೆನಿಸ್ ದಂತಕತೆ ಮಹೇಶ್ ಭೂಪತಿ ಪತ್ನಿ ನಟಿ ಲಾರಾ ದತ್ತಾ ಒಂದು ಫೋಟೋ ಪ್ರಕಟಿಸಿದ್ದಾರೆ.
12 ಗ್ರಾನ್ ಸ್ಲಾಮ್ ಪ್ರಶಸ್ತಿಗಳ ಒಡೆಯ ಮಹೇಶ್ ಭೂಪತಿ ತಾವು ಗ್ರಾನ್ ಸ್ಲಾಮ್ ಟೂರ್ನಿಗಳಾಡುವಾಗ ಬಳಸಿದ್ದ ಟವೆಲ್ ಗಳನ್ನು ಪತ್ನಿ ಲಾರಾ ನೀರು ತಡೆಯಲು ಅಡ್ಡ ಗೋಡೆಯಾಗಿ ಬಳಸಿದ್ದಾರೆ. ಗಾಜಿನ ಕಿಟಿಕಿಗಳಿಗೆ ಇವುಗಳನ್ನು ಅಡ್ಡ ಇಟ್ಟು ಮನೆಯೊಳಗೆ ನೀರು ಬರದಂತೆ ತಡೆದಿದ್ದಾರೆ.
ಇದನ್ನು ಲಾರಾ ಟ್ವೀಟ್ ಮಾಡಿದ್ದಾರೆ. ಇದಕ್ಕೆ ಟ್ವಿಟರ್ ನಲ್ಲಿ ಬೇಸರದಿಂದಲೇ ಪ್ರತಿಕ್ರಿಯಿಸಿರುವ ಭೂಪತಿ ನೀರು ನನ್ನನ್ನು ಅಣಕಿಸುತ್ತಿದ್ದೀಯಾ? ಅವೆಲ್ಲ ಕಠಿಣ ಪರಿಶ್ರಮದ ಫಲಗಳು ಎಂದಿದ್ದಾರೆ.
