ನವದೆಹಲಿ: ಒಲಿಂಪಿಕ್ಸ್ ಪದಕ ವಿಜೇತ, ಹ್ಯಾಂಡ್ಸಮ್ ಹೀರೋ ನೀರಜ್ ಚೋಪ್ರಾಗೆ ದಿನಕ್ಕೊಬ್ಬ ತಾರೆಯರ ಜೊತೆ ಲಿಂಕ್ ಅಪ್ ಮಾಡಲಾಗುತ್ತಿದೆ. ಮೊನ್ನೆಯಷ್ಟೇ ಮನು ಭಾಕರ್ ಜೊತೆ ಜಸ್ಟ್ ಮಾತನಾಡಿದ್ದಕ್ಕೇ ಮದುವೆ ಗುಸು ಗುಸು ಕೇಳಿಬಂದಿತ್ತು.
ಇದೀಗ ಪಿವಿ ಸಿಂಧು ಜೊತೆ ಮದುವೆ ಬಗ್ಗೆ ನೆಟ್ಟಿಗರು ಕಾಲೆಳೆದಿದ್ದಾರೆ. ನೀರಜ್ ಚೋಪ್ರಾ ಒಲಿಂಪಿಕ್ಸ್ ನಲ್ಲಿ ಈ ಬಾರಿ ಬೆಳ್ಳಿ ಪದಕ ಗೆದ್ದರೆ ಮನು ಭಾಕರ್ ಕಂಚಿನ ಪದಕ ಗೆದ್ದಿದ್ದರು. ಈ ಇಬ್ಬರು ಪದಕ ವಿಜೇತರು ಜೊತೆಯಾಗಿದ್ದಿದ್ದಲ್ಲದೆ, ಮನು ಪೋಷಕರೂ ನೀರಜ್ ಜೊತೆ ಮಾತನಾಡುತ್ತಿರುವ ಫೋಟೋಗಳು ವೈರಲ್ ಆಗಿತ್ತು.
ಇದರ ಬೆನ್ನಲ್ಲೇ ಇಬ್ಬರ ಮದುವೆ ಮಾತುಕತೆ ನಡೆಸಿದ್ದೀರಾ ಎಂದು ನೆಟ್ಟಿಗರು ಕಾಲೆಳೆದಿದ್ದರು. ಇದು ಎಷ್ಟು ವೈರಲ್ ಆಗಿತ್ತೆಂದರೆ ಕೊನೆಗೆ ಮನು ತಂದೆಯೇ ಪ್ರತಿಕ್ರಿಯೆ ನೀಡಿ ಮದುವೆ ಮಾತುಕತೆ ನಡೆದಿಲ್ಲ ಎಂದು ಸ್ಪಷ್ಟನೆ ನೀಡಬೇಕಾಗಿ ಬಂತು. ಇದೀಗ ಪಿವಿ ಸಿಂಧು ಜೊತೆ ನೀರಜ್ ಚೋಪ್ರಾರನ್ನು ಲಿಂಕ್ ಅಪ್ ಮಾಡಲಾಗುತ್ತಿದೆ.
ಬ್ಯಾಡ್ಮಿಂಟನ್ ಪಟು ಸಿಂಧು ಮತ್ತು ನೀರಜ್ ಉತ್ಪನ್ನವೊಂದಕ್ಕೆ ರಾಯಭಾರಿಯಾಗಿದ್ದಾರೆ. ಇದರ ಅಂಗವಾಗಿ ಪಿವಿ ಸಿಂಧು ನೀರಜ್ ಜೊತೆಗಿ ಫೋಟೋ ಪ್ರಕಟಿಸಿದ್ದರು. ಇದನ್ನು ನೋಡಿದ ನೆಟ್ಟಿಗರು ಏನು ನಡೀತಾ ಇದೆ ಇಲ್ಲಿ? ನೀವಿಬ್ಬರೂ ಒಳ್ಳೆ ಜೋಡಿ ಎಂದು ಕಾಲೆಳೆದಿದ್ದಾರೆ.
