ಮಾವಿನ ಕಾಯಿ, ಸೌತೇಕಾಯಿ, ಜೋಳ ಇದ್ರೆ ಈ ರೀತಿ ರುಚಿಕರ ಚ್ಯಾಟ್ ಮಾಡಿ

WD

ಬೆಂಗಳೂರು: ಚಳಿಗಾಲದಲ್ಲಿ ಸಂಜೆ ಹೊತ್ತು ಮೈಗೆ ಚುರುಕು ಮುಟ್ಟಿಸಲು ಏನಾದರೂ ಖಾರ, ಹುಳಿ ಸೇವಿಸಬೇಕು ಎಂದಾಗ ತಕ್ಷಣ ನೆನಪಾಗುವುದು ಚ್ಯಾಟ್ಸ್ ಗಳು.

ನಿಮ್ಮ ಮನೆಯಲ್ಲಿ ಮಾವಿನ ಕಾಯಿ, ಜೋಳ ಮತ್ತು ಸೌತೆಕಾಯಿ ಇದ್ದರೆ ನಿಮಿಷದಲ್ಲಿ ರುಚಿಕರ ಚ್ಯಾಟ್ಸ್ ಮಾಡಬಹುದು. ಅದಕ್ಕಾಗಿ ಏನೇನು ಸಾಮಗ್ರಿಗಳು ಬೇಕು? ಹೇಗೆ ಮಾಡುವುದು ಇಲ್ಲಿ ನೋಡಿ.

ಬೇಕಾಗುವ ಸಾಮಗ್ರಿಗಳು: ಮಾವಿನ ಕಾಯಿ(ಹುಳಿ ಕಡಿಮೆ ಇರುವ ತೋತಾಪುರಿ), ಸ್ವೀಟ್ ಕಾರ್ನ್, ಎಳೇ ಸೌತೆ ಕಾಯಿ, ಟೊಮೆಟೊ, ಈರುಳ್ಳಿ, ಕೊತ್ತಂಬರಿ ಸೊಪ್ಪು, ನೆಲಗಡಲೆ,, ಚ್ಯಾಟ್ ಮಸಾಲೆ, ಎಣ್ಣೆ, ಉಪ್ಪು, ಮೇಲೆ ಅಲಂಕಾರಕ್ಕೆ ಹುರಿದ ಸೇಮಿ ಅಥವಾ ಮಿಕ್ಸ್ಚರ್.

ಮಾಡುವ ವಿಧಾನ: ನೆಲಗಡಲೆಯಲ್ಲಿ ಎಣ್ಣೆ ಹಾಕದೇ ಹುರಿದಿಟ್ಟುಕೊಳ್ಳಿ. ಬಳಿಕ ಮಾವಿಯ ಕಾಯಿ ಸ್ವಲ್ಪ, ಸೌತೆಕಾಯಿ, ಸ್ವೀಟ್ ಕಾರ್ನ್, ಟೊಮೆಟೊ, ಈರುಳ್ಳಿ, ಕೊತ್ತಂಬರಿ ಸೊಪ್ಪು ಸಣ್ಣಗೆ ಹಚ್ಚಿ ಇದಕ್ಕೆ ಚ್ಯಾಟ್ ಮಸಾಲ ಮತ್ತು ಚಿಟಿಕೆ ಉಪ್ಪು ಸೇರಿಸಿ ಚೆನ್ನಾಗಿ ಮಿಕ್ಸ್ ಮಾಡಿ. ಬಳಿಕ ಹುರಿದಿಟ್ಟುಕೊಂಡಿದ್ದ ನೆಲಗಡಲೆ ಸೇರಿಸಿ ಒಂದು ಪ್ಲೇಟ್ ಗೆ ಹಾಕಿಕೊಂಡು ಮೇಲೆ ಸ್ವಲ್ಪ ಮಿಕ್ಸ್ಚರ್ ಅಥವಾ ಹುರಿದ ಸೇಮಿಯನ್ನು ಸೇರಿಸಿ ಸೇವಿಸಿ ನೋಡಿ.