ಪಾಲಾಕ್ ಪಲಾವ್

ಗುರುವಾರ, 14 ಮಾರ್ಚ್ 2019 (15:40 IST)
ಘಮಘಮಿಸುವ ಪಲಾವ್ ಅನ್ನು ಪೋಷಕಾಂಶಗಳ ಗಣಿಯಾಗಿರುವ ಪಾಲಕ್ ಸೊಪ್ಪಿನಿಂದ ಮಾಡಿದರೆ ರುಚಿಗೆ ರುಚಿ, ಆರೋಗ್ಯವು ಹೌದು. ಪುದೀನಾದಂತೆ ಪಾಲಾಕ್‌ನಿಂದಲೂ ರುಚಿಕರವಾದ ಪಲಾವ್ ಮಾಡಬಹುದು.
ಬೇಕಾಗುವ ಪದಾರ್ಥಗಳು:
ಬಾಸ್ಮತಿ ಅಕ್ಕಿ - ಎರಡು ಕಪ್ಪು
ಹಚ್ಚಿದ ಈರುಳ್ಳಿ - ಕಾಲು ಕಪ್
ಪಾಲಾಕ್ ಸೊಪ್ಪು - 1 ಕಪ್
ಹಸಿಮೆಣಸಿನಕಾಯಿ - ನಾಲ್ಕು
ಲವಂಗ - 4
ಏಲಕ್ಕಿಪುಡಿ - ಅರ್ಧ ಸ್ಪೂನ್
ಹಚ್ಚಿದ ಟೋಮೊಟೊ - ಅರ್ಧಕಪ್ಪು
ಗರಂ ಮಸಾಲಾ - ಅರ್ಧ ಟೀಸ್ಪೂನ್
ಗೊಡಂಬಿ - 5-6,
ಬೇಕಾಗುವಷ್ಟು ಎಣ್ಣೆ
ರುಚಿಗೆ ಬೇಕಾಗುವಷ್ಟು 
ಉಪ್ಪು, ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ -1 ಟೀಸ್ಪೂನ್
 
ಅಕ್ಕಿಯನ್ನು ಚೆನ್ನಾಗಿ ತೊಳೆದು ಅರ್ಧಗಂಟೆ ನೆನಸಿಡಬೇಕು. ಪಾಲಾಕ್ ಸೊಪ್ಪು, ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ ಸೇರಿಸಿ ಮಿಕ್ಸಿಯಲ್ಲಿ ಚೆನ್ನಾಗಿ ರುಬ್ಬಿಕೊಳ್ಳಬೇಕು. ಸ್ಟವ್ ಮೇಲೆ ಪ್ಯಾನ್ ಇರಿಸಿ ಅದಕ್ಕೆ ಸ್ವಲ್ಪ ಎಣ್ಣೆ ಹಾಕಬೇಕು. ಹಸಿಮೆಣಸಿನಕಾಯಿ, ಗರಂಮಸಾಲಾ. ಲವಂಗ, ಏಲಕ್ಕಿ ಪುಡಿ, ಗೋಡಂಬಿ ಹಾಕಿ ಫ್ರೈ ಮಾಡಬೇಕು. ಅದಕ್ಕೆ ರುಬ್ಬಿದ ಪಾಲಾಕ್ ಪೇಸ್ಟ್, ಬೇಕಾಗುವಷ್ಟು ಉಪ್ಪು ಸೇರಿಸಿ ಬೇಯಿಸಬೇಕು. ಅವು ಚೆನ್ನಾಗಿ ಬೆಂದಮೇಲೆ ನೆನಸಿಟ್ಟುಕೊಂಡ ಅಕ್ಕಿಯನ್ನು ಸೇರಿಸಿ ಅದಕ್ಕೆ ಬೇಕಾಗುವಷ್ಟು ನೀರು ಸೇರಿಸಿ 2 ಬಾರಿ ಕುಕ್ಕರ್ ವಿಷಲ್ ಹಾಕಿಸಿದರೆ ಸಾಕು. ಪಾಲಾಕ್ ಪಲಾವ್ ರೆಡಿ.

ವೆಬ್ದುನಿಯಾವನ್ನು ಓದಿ

ಮುಂದಿನ ಸುದ್ದಿ ನಿಂಬೆಹಣ್ಣಿನ ಸಿಹಿ ಉಪ್ಪಿನಕಾಯಿ...