ಸ್ವಾದಿಷ್ಠವಾದ ಮೊಘಲೈ ಫಿಶ್ ಕರಿ

ಬೇಕಾಗುವ ಸಾಮಗ್ರಿಗಳು:

300 ಗ್ರಾಂ - ಸ್ವಚ್ಛಗೊಳಿಸಿದ ಮೀನಿನ ತುಂಡು

1 ಕಪ್ - ಹಾಲು

1/2 ಕಪ್ - ಎಣ್ಣೆ

2 - ಈರುಳ್ಳಿ

4 - ಎಸಳು ಬೆಳ್ಳುಳ್ಳಿ

2 ಚಮಚ - ಕೊತ್ತಂಬರಿ ಬೀಜಗಳು

3 ಚಮಚ - ಕೆಂಪು ಮೆಣಸಿನ ಪುಡಿ

3 ಚಮಚ - ಮೊಸರು

1 ಚಮಚ - ಗರಮ್ ಮಸಾಲಾ ಪುಡಿ

3 ಚಮಚ - ಗಸಗಸೆ

2 ಇಂಚು - ಶುಂಠಿ

1 ಚಮಚ - ಮೆಣಸುಕಾಳು (ಕರಿ ಮೆಣಸು)

2 ಚಮಚ - ಜೀರಿಗೆ ಬೀಜ

8 - ಬಾದಾಮಿ

1 ಚಮಚ - ಅರಿಶಿಣ

ಉಪ್ಪು

1 ಚಮಚ - ಲಿಂಬೆ ರಸ

ಮಾಡುವ ವಿಧಾನ:

* ಒಂದು ಪಾತ್ರೆಯಲ್ಲಿ ಸ್ವಚ್ಛಗೊಳಿಸಿದ ಮೀನಿನ ತುಂಡು, ಅರಿಶಿಣ, ಲಿಂಬೆ ರಸ ಮತ್ತು ಉಪ್ಪು ಸೇರಿಸಿ 40 ನಿಮಿಷ ಮ್ಯಾರಿನೇಟ್ ಮಾಡಿ.

* ಗಸಗಸೆಗೆ ಸ್ವಲ್ಪ ನೀರು ಸೇರಿಸಿ ಬಿಸಿ ಮಾಡಿ.

* ಒಂದು ಮಿಕ್ಸಿಯಲ್ಲಿ ಈರುಳ್ಳಿ, ಬೆಳ್ಳುಳ್ಳಿ, ಶುಂಠಿ, ಮೆಣಸುಕಾಳು, ಜೀರಿಗೆ, ಕೊತ್ತಂಬರಿ ಬೀಜ, ಅರಿಶಿಣ, ಕೆಂಪು ಮೆಣಸಿನ ಪುಡಿ, ಬಾದಾಮಿ, ಬಿಸಿ ಮಾಡಿದ ಗಸಗಸೆಗೆ ಮತ್ತು ಉಪ್ಪು ಸೇರಿಸಿ ನುಣ್ಣಗೆ ರುಬ್ಬಿ.

* ಒಂದು ಬಾಣಲೆಗೆ ಎಣ್ಣೆ ಹಾಕಿ ಬಿಸಿ ಮಾಡಿ, ಅದರಲ್ಲಿ ಮ್ಯಾರಿನೇಟ್ ಮಾಡಿದ ಮೀನಿನ ತುಂಡುಗಳನ್ನು ಹಾಕಿ ಚೆನ್ನಾಗಿ ಎರಡೂ ಬದಿಯಲ್ಲಿ ಹುರಿದು, ಅದಕ್ಕೆ ರುಬ್ಬಿದ ಮಿಶ್ರಣವನ್ನು ಹಾಕಿ, ಹಸಿ ವಾಸನೆ ಹೋಗುವ ತನಕ ಕುದಿಸಿ.

* ನಂತರ ಅದಕ್ಕೆ ಮೊಸರು ಮತ್ತು ಗರಮ್ ಮಸಾಲಾ ಪುಡಿಯನ್ನು ಹಾಕಿ ಸೌಟಾಡಿಸಿ.

* ನಂತರ ಹಾಲು ಹಾಕಿ ಬೇಯಿಸಿ. ಕೊತ್ತಂಬರಿ ಸೊಪ್ಪಿನಿಂದ ಅಲಂಕರಿಸಿದರೆ ರುಚಿಕರ ಹಾಗೂ ಆರೋಗ್ಯಕರವಾಗ ವಿಶಿಷ್ಟವಾದ ಮೊಘಲೈ ಫಿಶ್ ಕರಿ ಅನ್ನದ ಜೊತೆ ಸವಿಯಲು ರೆಡಿ.