ಕುಂದಾಪುರ್ ಶೈಲಿಯ ಚಿಕನ್ ಸುಕ್ಕಾ

ಬೇಕಾಗುವ ಸಾಮಗ್ರಿಗಳು

5 ಚಮಚ - ಎಣ್ಣೆ

7-8 - ಕೆಂಪು ಮೆಣಸಿನಕಾಯಿ

1 ಚಮಚ - ಕಾಳು ಮೆಣಸು

3/4 ಚಮಚ - ಕೊತ್ತಂಬರಿ ಕಾಳು

1/4 ಚಮಚ - ಮೆಂತೆ ಕಾಳು

1/4 ಚಮಚ - ಹುಣಸೆ ಹಣ್ಣು

1/2 ಚಮಚ  - ಜೀರಿಗೆ

7-8 ಎಸಳು ಬೆಳ್ಳುಳ್ಳಿ

1 ಕಪ್ - ತೆಂಗಿನ ತುರಿ

300 ಗ್ರಾಂ - ಚಿಕನ್

ಉಪ್ಪು

1/3 ಚಮಚ - ಅರಿಶಿಣ

1/2 ಕಪ್ - ಹೆಚ್ಚಿದ ಈರುಳ್ಳಿ

ಮಾಡುವ ವಿಧಾನ

* ಒಂದು ಬಾಣಲೆಯಲ್ಲಿ 1 ಚಮಚ ಎಣ್ಣೆ ಬಿಸಿ ಮಾಡಿ, ಅದರಲ್ಲಿ ಕೆಂಪು ಮೆಣಸಿನಕಾಯಿ, ಕಾಳು ಮೆಣಸು, ಕೊತ್ತಂಬರಿ ಕಾಳು, ಮೆಂತೆ ಕಾಳು, ಹುಣಸೆ ಹಣ್ಣು ಹಾಕಿ ಹುರಿದುಕೊಳ್ಳಿ.

* ಒಂದು ಮಿಕ್ಸಿಯಲ್ಲಿ ಹುರಿದ ಮಸಾಲೆ ಮತ್ತು ನೀರು ಸೇರಿಸಿ ನುಣ್ಣಗೆ ರುಬ್ಬಿಕೊಳ್ಳಿ.

* ಒಂದು ಬಾಣಲೆಯಲ್ಲಿ 1 ಚಮಚ ಎಣ್ಣೆ ಬಿಸಿ ಮಾಡಿ ಅದಕ್ಕೆ ಜೀರಿಗೆ, ಬೆಳ್ಳುಳ್ಳಿ ಮತ್ತು ತೆಂಗಿನ ತುರಿಯನ್ನು ಹಾಕಿ ಹುರಿದು, ರುಬ್ಬಿಕೊಳ್ಳಿ.

* ಒಂದು ಬಾಣಲೆಯಲ್ಲಿ 3 ಚಮಚ ಎಣ್ಣೆ ಬಿಸಿ ಮಾಡಿ, ಅದರಲ್ಲಿ ಚಿಕನ್ ತುಂಡುಗಳು ಹಾಕಿ 5 ನಿಮಿಷ ಹುರಿಯಿರಿ. ನಂತರ ಉಪ್ಪು, ಅರಿಶಿಣ ಪುಡಿ ಹಾಕಿ ಮಿಶ್ರಣ ಮಾಡಿ 5 ನಿಮಿಷ ಹುರಿಯಿರಿ. 

* ನಂತರ ಅದಕ್ಕೆ ರುಬ್ಬಿದ ಮಸಾಲೆಗಳನ್ನು ಹಾಕಿ, ಸ್ವಲ್ಪ ನೀರು ಸೇರಿಸಿ ಮುಚ್ಚಳ ಮುಚ್ಚಿ 5 ನಿಮಿಷ ಬೇಯಿಸಿ.

* ಚಿಕನ್ ಬೇಯುತ್ತಿದ್ದಂತೆ ರುಬ್ಬಿದ ತೆಂಗಿನ ಮಸಾಲೆಯನ್ನು ಸೇರಿಸಿ ಬೇಯಿಸಿದರೆ. ಕುಂದಾಪುರ್ ಶೈಲಿಯ ರುಚಿಕರ ಚಿಕನ್ ಸುಕ್ಕಾ ಸವಿಯಲು ಸಿದ್ಧ.