ಮುಸುಕಿನ ಜೋಳದ ಹಪ್ಪಳ ಮಾಡೋದು ಗೊತ್ತಾ?

ಮುಸುಕಿನ ಜೋಳ ಗಟ್ಟಿ ಆರೋಗ್ಯಕ್ಕೆ ಪೂರಕ. ಇಂತಹ ಜೋಳದಿಂದ ಹಪ್ಪಳ ಮಾಡಿ ಬೊಂಬಾಟ್ ರುಚಿ ನೋಡಿ.

ಏನೇನು ಬೇಕು?

ಮುಸುಕಿನ ಜೋಳದ ಹಿಟ್ಟು 2 ಕಪ್
ಉಪ್ಪು ಒಂದು ಚಮಚ
ಪುಡಿ ಇಂದು  1 ಚಮಚ
ಮೆಣಸಿನ ಪುಡಿ 1 ಚಮಚ
ಜೀರಿಗೆ 1 ಚಮಚ
ಅಡುಗೆ ಸೋಡಾ ಒಂದು 1 ಚಮಚ

ಮಾಡೋದು ಹೇಗೆ?

ಕುದಿಯುವ ನೀರಿಗೆ ಉಪ್ಪು, ಅಡುಗೆ ಸೋಡಾ, ಇಂಗು, ಜೀರಿಗೆ ಪುಡಿ, ಮೆಣಸಿನ ಪುಡಿ, ಒಂದು ಚಿಕ್ಕ ತುಂಡು ಬೆಲ್ಲ, 2 ಚಮಚ ಎಣ್ಣೆ ಹಾಕಿ. ಇವೆಲ್ಲ ಕುದಿಯುತ್ತಿದ್ದಂತೆ ಜೋಳದ ಹಿಟ್ಟನ್ನು ನಿಧಾನವಾಗಿ ಹಾಕುತ್ತಾ ಗಂಟು ಹಿಡಿಯದಂತೆ ಸೌಟಿನಿಂದ ಕೆದಕುತ್ತಿರಿ.  ಚೆನ್ನಾಗಿ ಬೆಂದ ನಂತರ ಕೆಳಗಿಳಿಸಿ. ಆರಿದ ಹಿಟ್ಟನ್ನು ಒರಳಿಗೆ ಹಾಕಿಕೊಂಡು ಹದವಾಗಿ ಕುಟ್ಟಿರಿ. ಆಮೇಲೆ ಹಿಟ್ಟನ್ನು ಲಟ್ಟಿಸಿ ಬಿಸಿಲಿಗೆ ಒಣಗಿಸಿ.