ತಯಾರಿಸಿ ನೋಡಿ ರುಚಿಕರ ಮೇಥಿ ಮಟನ್

ಬೇಕಾಗುವ ಸಾಮಗ್ರಿಗಳು

1 ಕೆಜಿ ಮಟನ್

1 ಚಮಚ ಅರಿಶಿನದ ಪುಡಿ

1 ಚಮಚ ಗರಂ ಮಸಾಲಾ ಪುಡಿ

4 ಹಸಿರು ಮೆಣಸಿನಕಾಯಿಯ ಪೇಸ್ಟ್

2-3 ಹೆಚ್ಚಿದ ಹಸಿರು ಮೆಣಸಿನಕಾಯಿಯ

2-3 ಚಮಚ ಶುಂಠಿ ಬೆಳ್ಳುಳ್ಳಿ ಪೇಸ್ಟ್

3 ಲವಂಗ

1 ಕಪ್ ಮೊಸರು

1 ದೊಡ್ಡ ಟೋಮೆಟೋ

3 ಏಲಕ್ಕಿ

2 ಚಮಚ ಖಾರದ ಪುಡಿ

1 ಚಮಚ ಧನಿಯಾ ಪುಡಿ

2 ಚಮಚ ಉಪ್ಪು

2 ಚಮಚ ಎಣ್ಣೆ

1 ಚಮಚ ಪುಡಿಮಾಡಿದ ಸೋಂಪು ಕಾಳು

2 ಈರುಳ್ಳಿ

250 ಗ್ರಾಂ ಮೆಂತ್ಯೆ ಸೊಪ್ಪು

ಮಾಡುವ ವಿಧಾನ

* ಒಂದು ಪಾತ್ರೆಯಲ್ಲಿ ಮಟನ್, ಅರಿಶಿನದ ಪುಡಿ, ಮೊಸರು, ಉಪ್ಪು, ಶುಂಠಿ ಬೆಳ್ಳುಳ್ಳಿ ಪೇಸ್ಟ್, ಹಸಿರು ಮೆಣಸಿನಕಾಯಿಯ ಪೇಸ್ಟ್ ಹಾಕಿ 3-4 ಗಂಟೆಗಳ ಕಾಲ ಮ್ಯಾರಿನೇಟ್ ಮಾಡಿ.

* ಒಂದು ಬಾಣಲೆಯಲ್ಲಿ ಎಣ್ಣೆ, ಲವಂಗ, ಹೆಚ್ಚಿದ ಹಸಿರು ಮೆಣಸಿನಕಾಯಿಯ, ಹೆಚ್ಚಿದ ಈರುಳ್ಳಿ ಹಾಕಿ ಚೆನ್ನಾಗಿ ಹುರಿಯಿರಿ, ನಂತರ ಅದಕ್ಕೆ ಹೆಚ್ಚಿದ ಟೋಮೆಟೋ, ಮೆಂತ್ಯೆ ಸೊಪ್ಪು ಹಾಕಿ ಚೆನ್ನಾಗಿ ಹುರಿಯಿರಿ.

* ನಂತರ ಅದಕ್ಕೆ ಏಲಕ್ಕಿ, ಅರಿಶಿನದ ಪುಡಿ, ಖಾರದ ಪುಡಿ, ಧನಿಯಾ ಪುಡಿ ಮತ್ತು ಗರಂ ಮಸಾಲಾ ಹಾಕಿ ಹುರಿಯಿರಿ.

* ನಂತರ ಮ್ಯಾರಿನೇಟ್ ಮಾಡಿದ ಮಟನ್ ಹಾಕಿ, ಅದಕ್ಕೆ 2 ಲೋಟ ನೀರು ಸೇರಿಸಿ ಬಾಣಲೆಯನ್ನು ಮುಚ್ಚಿಟ್ಟು ಮಾಂಸ ಚೆನ್ನಾಗಿ ಬೇಯುವವರೆಗೆ ಬೇಯಿಸಿ.

* ಮಾಂಸ ಬೆಂದ ನಂತರ, ಅದರ ಮೇಲೆ ಪುಡಿಮಾಡಿದ ಸೋಂಪನ್ನು ಹಾಕಿ ಬಿಸಿ ಬಿಸಿಯಾದ ಆರೋಗ್ಯಕರ ಹಾಗೂ ರುಚಿಕರ ಮೇಥಿ ಮಟನ್ ಅನ್ನು ಚಪಾತಿ, ಅನ್ನ ಅಥವಾ ರೋಟ್ಟಿ ಜೊತೆ ಸೇವಿಸಿ.