ಸೌತೆಕಾಯಿಯ ಪಾಯಸವನ್ನು ತಯಾರಿಸುವುದು ಹೇಗೆ ಗೊತ್ತಾ?

ಬೇಕಾಗುವ ಸಾಮಗ್ರಿಗಳು

2 ಕಪ್ ಹಾಲು

2 ಚಮಚ ಏಲಕ್ಕಿ ಪುಡಿ

8-10 ಹುರಿದ ಗೋಡಂಬಿ ಬೀಜಗಳು

1/2 ಕಪ್ ಸಬ್ಬಕ್ಕಿ (1 ಗಂಟೆ ನೆನೆಸಿರಬೇಕು)

ಬೇಕಾದಷ್ಟು ನೀರು

1/4 ಕಪ್ ಸಕ್ಕರೆ

5 ಚಮಚ ತುಪ್ಪ

4 ಕಪ್ ಸೌತೆಕಾಯಿಯ ತುಂಡು (ಸಿಪ್ಪೆ ಸುಲಿದು ಚಿಕ್ಕದಾಗಿ ಹೆಚ್ಚಿರಬೇಕು)

1/2 ಕಪ್ ಮಂದಗೊಳಿಸಿದ ಹಾಲು (ಕಂಡೆನ್ಸ್ಡ್ ಹಾಲು)

ಮಾಡುವ ವಿಧಾನ:

* ಒಂದು ದಪ್ಪ ತಳದ ಪಾತ್ರಯಲ್ಲಿ ನೆನೆಸಿದ ಸಬ್ಬಕ್ಕಿ ಮತ್ತು ಸೌತೆಕಾಯಿ ತುಂಡುಗಳನ್ನು ಹಾಕಿ ಸ್ವಲ್ಪ ನೀರು ಸೇರಿಸಿ ಬೇಯಿಸಿ, ಬೆಂದ ನಂತರ ಅದರಲ್ಲಿರುವ ನೀರನ್ನು ತೆಗೆದು ಸಕ್ಕರೆ ಸೇರಿಸಿ.

* ಸಕ್ಕರೆ ಕರಗಿದ ನಂತರ ಅದಕ್ಕೆ ಮಂದಗೊಳಿಸಿದ ಹಾಲು ಮತ್ತು ಹಾಲನ್ನು ಸೇರಿಸಿ ಕಡಿಮೆ ಉರಿಯಲ್ಲಿ 5 ನಿಮಿಷ ಕುದಿಸಿ.

* ಅದಕ್ಕೆ ಏಲಕ್ಕಿ ಪುಡಿ ಹಾಕಿ ಮುಚ್ಚಳ ಮುಚ್ಚಿ 2 ನಿಮಿಷ ಕುದಿಸಿ.

* ನಂತರ ಅದಕ್ಕೆ ತುಪ್ಪದಲ್ಲಿ ಹುರಿದ ಗೋಡಂಬಿ ಬೀಜ ಮತ್ತು ತುಪ್ಪವನ್ನು ಹಾಕಿ ಬಿಸಿ ಬಿಸಿಯಾಗಿ ಸವಿಯಿರಿ.