ನವದೆಹಲಿ: ವೃದ್ಧ ಮಹಿಳೆಯನ್ನು ಕಂಡು ಯುವಕನೊಬ್ಬ ಮನಕರಗಿದ ಭಾವುಕ ಕ್ಷಣದ ವಿಡಿಯೋವೊಂದು ಈಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ವಿದೇಶದಲ್ಲಿ ನಡೆದ ಘಟನೆಯಿದು. ಮೆಟ್ರೋ ಸ್ಟೇಷನ್ ಬಳಿ ವೃದ್ಧ ಮಹಿಳೆಯೊಬ್ಬರು ಹೂ ಮಾರುತ್ತಿದ್ದರು. ಆಕೆಯ ಬಳಿ ತೆರಳಿದ ಯುವಕ ಹಣ ನೀಡಿ ನನಗೆ ಆ ಹೂಗುಚ್ಛ ನೀಡಿ ಎಂದು ಕೇಳಿಕೊಳ್ಳುತ್ತಾನೆ.
ಹೂ ಪಡೆದ ಬಳಿಕ ಯುವಕ ತಾನೇ ಇಟ್ಟುಕೊಳ್ಳದೇ ವಾಪಸ್ ಅದನ್ನು ವೃದ್ಧೆಗೇ ನೀಡುತ್ತಾನೆ. ಆತನ ಪ್ರೀತಿಗೆ ವೃದ್ಧೆ ಭಾವುಕರಾಗುತ್ತಾರೆ. ಈ ವಿಡಿಯೋ ಈಗ ವೈರಲ್ ಆಗಿದ್ದು, ಆ ಹುಡುಗನ ಹೃದಯವಂತಿಕೆಗೆ ನೆಟ್ಟಿಗರು ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ.
