ಆ 6 ವರ್ಷದ ಬಾಲಕಿ ಬಲಿಯಾದದ್ದಾದ್ರು ಯಾಕೆ?

ಅಸ್ಸಾಂ : ನೀಲಿ ಚಿತ್ರದ ಚಟಕ್ಕೆ ಬಲಿಯಾದ 11 ವರ್ಷದ ಇಬ್ಬರು ಬಾಲಕರ ಕೃತ್ಯಕ್ಕೆ 6 ವರ್ಷದ ಬಾಲಕಿ ಸಾವನ್ನಪ್ಪಿರುವ ಘಟನೆ ಅಸ್ಸಾಂನಲ್ಲಿ ನಡೆದಿದೆ.

ನೀಲಿ ಚಿತ್ರದ ವಿಡಿಯೋದಲ್ಲಿ ನೋಡಿದ ಲೈಂಗಿಕ ಕ್ರಿಯೆಗೆ ಬಾಲಕಿಗೆ ಇಬ್ಬರು ಒತ್ತಡ ಹೇರಿದ್ದಾರೆ. ಈ ವೇಳೆ ಬಾಲಕಿ ವಿರೋಧಿಸಿದಾಗ. ಆಕೆಯನ್ನು ಇಬ್ಬರು ಸೇರಿ ಹತ್ಯೆ ಮಾಡಿದ್ದಾರೆ.
ಅಸ್ಸಾಂನ ನಾಗೋನ್ ಜಿಲ್ಲೆಯಲ್ಲಿ ಈ ಘಟನೆ ನಡೆದಿದೆ. ಬಾಲಕಿ ಪ್ರಜ್ಞಾಹೀನ ಸ್ಥಿತಿಯಲ್ಲಿ ತನ್ನ ಮನೆಯ ಸಮೀಪವಿರುವ ಶೌಚಾಲಯದಲ್ಲಿ ಪತ್ತೆಯಾಗಿದ್ದು, ಆಕೆಯ ತಲೆಯನ್ನು ಕಲ್ಲಿನಿಂದ ಚಚ್ಚಿ ಹಾಕಲಾಗಿದೆ.
ಇನ್ನು ಘಟನೆ ಸಂಬಂಧ ಪೊಲೀಸರು ಮೂವರು ಬಾಲಕರನ್ನು ಬಂಧಿಸಿದ್ದಾರೆ. ಪ್ರಕರಣ ಕುರಿತು ಮಾಹಿತಿ ನೀಡಿದ ಪೊಲೀಸರು, ಆನ್ಲೈನ್ ಶಿಕ್ಷಣಕ್ಕಾಗಿ ಪೋಷಕರು ನೀಡಿದ ಫೋನ್ನಲ್ಲಿ ಇಬ್ಬರು ಅಶ್ಲೀಲ ಚಿತ್ರಗಳನ್ನು ನೋಡುತ್ತಿದ್ದರು. ಇದಕ್ಕೆ ಅವರು ವ್ಯಸನಿಗಳಾಗಿದ್ದರು.
ವಿಡಿಯೋದಲ್ಲಿ ತಾವು ನೋಡುತ್ತಿದ್ದ ಘಟನೆಗಳನ್ನು ಅವರು ಬಾಲಕಿ ಮೇಲೆ ಮಾಡಲು ಮುಂದಾಗಿದ್ದಾರೆ. ಈ ವೇಳೆ ಬಾಲಕಿ ಇದಕ್ಕೆ ವಿರೋಧಿಸಿದ್ದಾಳೆ. ಜೊತೆಗೆ ತಮ್ಮ ಪೋಷಕರನ್ನು ಕರೆದು ಏನಾಯಿತು ಎಂದು ಹೇಳುವುದಾಗಿ ಕೂಡ ಎಚ್ಚರಿಸಿದ್ದಾಳೆ
ಈ ವೇಳೆ ಬಾಲಕರು ಸಮೀಪದಲ್ಲಿನ ಕಲ್ಲು ಪುಡಿ ಮಾಡುವ ಘಟಕಕೆ ಕರೆದುಕೊಂಡು ಹೋಗಿ ಹತ್ಯೆ ಮಾಡಿದ್ದಾರೆ. ಈ ಘಟನೆಯಲ್ಲಿ 11 ವರ್ಷದ ಇಬ್ಬರು ಬಾಲಕರ ಜೊತೆ 8 ವರ್ಷದ ಮತ್ತೊಬ್ಬ ಬಾಲಕ ಕೂಡ ಅವರಿಗೆ ಸಹಾಯ ಮಾಡಿದ್ದಾರೆ.
ಇನ್ನು ಈ ಅಪರಾಧವನ್ನು ಮುಚ್ಚಿ ಹಾಕಲು ಬಾಲಕನ ತಂದೆ ಕೂಡ ಮುಂದಾಗಿದ್ದು, ಆತನನ್ನು ಕೂಡ ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ಕ್ರಶಿಂಗ್ ಘಟಕದಲ್ಲಿ ಕಾವಲುಗಾರನಾಗಿ ಕಾರ್ಯ ನಿರ್ವಹಿಸುತ್ತಿದ್ದ ಆತ ಮೊದಲು ಬಾಲಕಿ ಶವ ಪತ್ತೆ ಹಚ್ಚಿದ. ಈ ವೇಳೆ ಪೊಲೀಸರ ತನಿಖೆ ದಿಕ್ಕು ತಪ್ಪಿಸಲು ಮುಂದಾಗಿದ್ದ ಎಂದು ಪೊಲೀಸರು ತಿಳಿಸಿದ್ದಾರೆ