ಬರೇಲಿ : 22 ವರ್ಷದ ಯುವಕನನ್ನು ಆತನ ಗೆಳತಿಯ ಕುಟುಂಬವು ಅಮಾನುಷವಾಗಿ ಹಿಂಸಿಸಿ ನಿಂದಿಸಿದ ಘಟನೆ ಉತ್ತರ ಪ್ರದೇಶದ ಲಖಿಂಪುರ ಖೇರಿಯ ಟಿಕುನಿಯಾ ಪಟ್ಟಣದಲ್ಲಿ ನಡೆದಿದೆ.
ಸಂತ್ರಸ್ತ ಯುವತಿಯೊಬ್ಬಳ ಜೊತೆ ಸಂಬಂಧ ಹೊಂದಿದ್ದ. ಆದರೆ ಎರಡು ಕುಟುಂಬದ ನಡುವೆ ಮನಸ್ತಾಪವಿದ್ದ ಕಾರಣ ಆತ ಯುವತಿಯನ್ನು ಭೇಟಿ ಮಾಡಲು ಬಂದಾಗ ಆತನನ್ನು ಹಿಡಿದ ಗೆಳತಿಯ ಕುಟುಂಬದವರು ಆತನನ್ನು ಲಾಠಿ ಬೆಲ್ಟ್ ಗಳಿಂದ ಥಳಿಸಿ ಗುದನಾಳಕ್ಕೆ ರಾಡ್ ಗಳನ್ನು ಹಾಕಿದ್ದಾರೆ.
ಸಂತ್ರಸ್ತನನ್ನು ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಚಿಕಿತ್ಸೆ ನೀಡಲಾಗುತ್ತಿದೆ. ಈ ಬಗ್ಗೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ ಎನ್ನಲಾಗಿದೆ.
