Publish Date: Wed, 05 Aug 2026 (10:58 IST)
Updated Date: Wed, 05 Aug 2026 (11:03 IST)
ಬಾಲ್ಯದಲ್ಲಿ ಬೆರಳು ಹಿಡಿದು ಹೆಜ್ಜೆ ಇಡಲು ಕಲಿಸಿದ ತಾಯಿಗೆ, ಇಳಿವಯಸ್ಸಿನಲ್ಲಿ ಮಗನೇ ದಾರಿದೀಪ" ಎಂಬ ಮಾತನ್ನು ಅತ್ಯಂತ ಭಾವುಕವಾಗಿ ಸಾಬೀತುಪಡಿಸುವ ಸನ್ನಿವೇಶವೊಂದು ಜಾಲತಾಣಗಳಲ್ಲಿ ಜನರ ಕಣ್ಣಾಲಿಗಳನ್ನು ತೇವಗೊಳಿಸುತ್ತಿದೆ.
ವಾಹನ ಸೌಕರ್ಯಗಳಿಲ್ಲದಿದ್ದರೂ, ತನ್ನ ವೃದ್ಧ ತಾಯಿಯನ್ನು ಅತ್ಯಂತ ಪ್ರೀತಿಯಿಂದ ಬೈಸಿಕಲ್ ಮೇಲೆ ಕುಳ್ಳಿರಿಸಿಕೊಂಡು ಜಾಗರೂಕತೆಯಿಂದ ಕರೆದೊಯ್ಯುತ್ತಿರುವ ಮಗನ ವಿಡಿಯೋವೊಂದು ವೈರಲ್ ಆಗಿದ್ದು, ಲಕ್ಷಾಂತರ ನೆಟ್ಟಿಗರ ಮನ ಗೆದ್ದಿದೆ.
ವೈರಲ್ ಆಗಿರುವ ವಿಡಿಯೋದಲ್ಲಿ, ಬಡತನದ ಮಧ್ಯೆಯೂ ಮಗನೊಬ್ಬ ತನ್ನ ಇಳಿವಯಸ್ಸಿನ ತಾಯಿಯನ್ನು ಬೈಸಿಕಲ್ ಮೇಲೆ ಕರೆದೊಯ್ಯುತ್ತಿದ್ದಾನೆ. ಪ್ರಯಾಣದ ಸಮಯದಲ್ಲಿ ವೃದ್ಧ ತಾಯಿಗೆ ಯಾವುದೇ ತೊಂದರೆಯಾಗಬಾರದು, ಆಯ ತಪ್ಪಿ ಬೀಳಬಾರದು ಎಂದು ಆಕೆಯನ್ನು ತನ್ನ ಬೆನ್ನಿಗೆ ಸುರಕ್ಷಿತವಾಗಿ ಬಟ್ಟೆಯಿಂದ ಕಟ್ಟಿ ಸೈಕಲ್ ತುಳಿಯುತ್ತಿರುವುದು ಕಾಣಿಸುತ್ತದೆ.
ಸಾರಿಗೆ ಸೌಲಭ್ಯಗಳ ಕೊರತೆಯ ನಡುವೆಯೂ ತಾಯಿಯ ಆರೈಕೆಯಲ್ಲಿ ಮಗ ತೋರಿಸುತ್ತಿರುವ ಈ ಮುನ್ನೆಚ್ಚರಿಕೆ ಮತ್ತು ಜವಾಬ್ದಾರಿ ಸಾರ್ವಜನಿಕರ ಮೆಚ್ಚುಗೆಗೆ ಪಾತ್ರವಾಗಿದೆ. ತಂದೆ-ತಾಯಂದಿರನ್ನು ಉಪಚರಿಸಲು ಅಥವಾ ಅವರ ಸೇವೆ ಮಾಡಲು ಅಪಾರ ಸಿರಿವಂತಿಕೆ ಅಥವಾ ಕಾರು-ಬಂಗಲೆಗಳೇ ಬೇಕಿಲ್ಲ; ಬದಲಾಗಿ ಸತ್ಯವಾದ ಪ್ರೀತಿ, ಗೌರವ ಮತ್ತು ಸಮರ್ಪಣಾ ಭಾವವಿದ್ದರೆ ಸಾಕು ಎಂಬುದಕ್ಕೆ ಈ ಘಟನೆ ಜೀವಂತ ಸಾಕ್ಷಿಯಾಗಿದೆ.
ಈ ದೃಶ್ಯವನ್ನು ವೀಕ್ಷಿಸಿದ ನೆಟ್ಟಿಗರು, "ಇಂತಹ ಗಂಡು ಮಕ್ಕಳು ಪ್ರತಿಯೊಬ್ಬ ತಾಯಿಯ ಪಾಲಿಗೆ ಸಾಕ್ಷಾತ್ ಆಸ್ತಿ ಮತ್ತು ದೇವರ ಸಮಾನ" ಎಂದು ಭಾವುಕರಾಗಿ ಕಮೆಂಟ್ ಮಾಡುತ್ತಿದ್ದಾರೆ.
About Writer
ಕೃಷ್ಣವೇಣಿ ಕೆ
Completed bachelor degree in Journalism and communication in SDMC Ujire. 15 years of experience as journalist. Worked as sub editor and reporter. Specialties in sports, politics and entertainment.....
ಮತ್ತಷ್ಟು ಓದಿ
