ಪೆಟ್ರೋಲ್ ಹಾಕಿಸಿ ಓಡೋಗ್ತೀಯಾ...ಖದೀಮ ಕಾರು ಚಾಲಕನಿಗೆ ಬಂಕ್ ಸಿಬ್ಬಂದಿ ಪಾಠ ಕಲಿಸಿದ ರೀತಿ ನೋಡಿ Video

Photo Credit: X

ಪೆಟ್ರೋಲ್ ಬಂಕ್‌ನಲ್ಲಿ ಇಂಧನ ತುಂಬಿಸಿಕೊಂಡು ಹಣ ಪಾವತಿಸದೆ ಕ್ಷಣಾರ್ಧದಲ್ಲಿ ಕಾರು ಚಲಾಯಿಸಿಕೊಂಡು ಪರಾರಿಯಾಗಲು ಯತ್ನಿಸಿದ ಚಾಲಕನಿಗೆ ಪೆಟ್ರೋಲ್ ಬಂಕ್ ಸಿಬ್ಬಂದಿಯೊಬ್ಬರು ತಕ್ಷಣವೇ ತಕ್ಕ ಪಾಠ ಕಲಿಸಿದ ಘಟನೆಯೊಂದು ಸೋಷಿಯಲ್ ಮೀಡಿಯಾದಲ್ಲಿ ಭಾರಿ ವೈರಲ್ ಆಗುತ್ತಿದೆ.

ಕಲವು ಸೆಕೆಂಡ್‌ಗಳ ಅಡ್ಡದಾರಿ ಮತ್ತು ದುರಾಸೆಯಿಂದ ಹಣ ಉಳಿಸಲು ಹೋದ ಚಾಲಕನಿಗೆ, ಬಂಕ್ ಸಿಬ್ಬಂದಿಯ ಜಾಣ್ಮೆ ಹಾಗೂ ಸಮಯಪ್ರಜ್ಞೆಯಿಂದಾಗಿ ಇದು ಅತ್ಯಂತ ದುಬಾರಿ ತಪ್ಪಾಗಿ ಪರಿಣಮಿಸಿತು. ಪೆಟ್ರೋಲ್ ಬಂಕ್‌ಗೆ ಬಂದ ಕಾರು ಚಾಲಕ ತನ್ನ ವಾಹನಕ್ಕೆ ಪೆಟ್ರೋಲ್/ಡೀಸೆಲ್ ತುಂಬಿಸುವಂತೆ ಸಿಬ್ಬಂದಿಗೆ ಸೂಚಿಸಿದ್ದಾನೆ. ಸಿಬ್ಬಂದಿ ಟ್ಯಾಂಕ್ ಫುಲ್ ಮಾಡಿ ಹಣ ಕೇಳುವಷ್ಟರಲ್ಲಿ, ಚಾಲಕ ನಯವಾಗಿ ಪಾವತಿಸುವುದನ್ನು ಬಿಟ್ಟು ತಕ್ಷಣವೇ ಆಕ್ಸಿಲರೇಟರ್ ತುಳಿದು ಕಾರನ್ನು ಮುಂದಕ್ಕೆ ಚಲಾಯಿಸಲು ಯತ್ನಿಸಿದ್ದಾನೆ. ಅಲ್ಲೇ ಇದ್ದ ಪೋಲ್ ತೆಗೆದು ದುಬಾರಿ ಕಾರಿನ ಮೇಲೆ ಹಿಗ್ಗಾ ಮುಗ್ಗಾ ಹೊಡೆದಿದ್ದಾನೆ. ಇದರಿಂದ ಕಾರು ಚಾಲಕ ವಿಚಲಿತಗೊಂಡು ಕಾರು ನಿಲ್ಲಿಸಿದ್ದಾನೆ.

ಪರಾರಿಯಾಗುವ ಯತ್ನದಲ್ಲಿದ್ದ ಚಾಲಕನಿಗೆ ಸಿಬ್ಬಂದಿಯ ಈ ದಿಢೀರ್ ನಡೆ ಹಾಗೂ ಸ್ಥಳದಲ್ಲಿದ್ದ ಇತರರ ನೆರವಿನಿಂದಾಗಿ ಕಾರನ್ನು ನಿಲ್ಲಿಸದೇ ಬೇರೆ ದಾರಿಯಿರಲಿಲ್ಲ. ಕೇವಲ ಪೆಟ್ರೋಲ್ ಹಣ ಪಾವತಿಸುವುದನ್ನು ತಪ್ಪಿಸಲು ಹೋದ ಚಾಲಕ, ಕೊನೆಗೆ ವಾಹನದ ಹಾನಿ ಹಾಗೂ ಸಾರ್ವಜನಿಕವಾಗಿ ತೀವ್ರ ಮುಜುಗರ ಎದುರಿಸಿ ಪೂರ್ತಿ ಹಣ ಮತ್ತು ದಂಡವನ್ನು ತೆರಬೇಕಾಯಿತು.

ಸಾಮಾಜಿಕ ಜಾಲತಾಣಗಳಲ್ಲಿ ಈ ಸಿಸಿಟಿವಿ ಅಥವಾ ವೀಡಿಯೊ ಹರಿದಾಡುತ್ತಿದ್ದಂತೆಯೇ, ದಿನವಿಡೀ ಕಷ್ಟಪಟ್ಟು ದುಡಿಯುವ ಬಂಕ್ ಸಿಬ್ಬಂದಿಯ ಧೈರ್ಯ ಮತ್ತು ಸಮಯಪ್ರಜ್ಞೆಯನ್ನು ನೆಟ್ಟಿಗರು ಕೊಂಡಾಡುತ್ತಿದ್ದಾರೆ.

pic.twitter.com/SQvhxsNiJl — ???? Sucheta ???????????? (@SuchetaSagar) July 29, 2026