ಲೈಕ್, ವ್ಯೂಗಾಗಿ ಭೋರ್ಗರೆಯುವ ಜಲಪಾತದಲ್ಲಿ ನಿಂತಿದ್ದ ಖ್ಯಾತ ಯೂಟ್ಯೂಬರ್ ಕತೆ ಮುಂದೇನಾಯ್ತು: Video

ಭುವನೇಶ್ವರ: ಯೂಟ್ಯೂಬ್ ಲೈಕ್ಸ್ ಮತ್ತು ವಿಡಿಯೋ ಶಾರ್ಟ್ಸ್‌ಗಳಿಗಾಗಿ ಅಪಾಯಕಾರಿ ಸಾಹಸ ಮಾಡಲು ಹೋಗಿ 22 ವರ್ಷದ ಭಾರತೀಯ ಯೂಟ್ಯೂಬರ್ ಸಾಗರ್ ಟುಡು ತಮ್ಮ ಪ್ರಾಣವನ್ನೇ ಕಳೆದುಕೊಂಡಿರುವ ದಾರುಣ ಘಟನೆ ಒಡಿಶಾದಲ್ಲಿ ನಡೆದಿದೆ.

ಒಡಿಶಾದ ಪ್ರಸಿದ್ಧ ಡುಡುಮಾ ಜಲಪಾತದ ಬಳಿ ವಿಡಿಯೋ ಚಿತ್ರೀಕರಿಸುವಾಗ, ಪ್ರೇಕ್ಷಕರನ್ನು ಹಾಗೂ ಅಭಿಮಾನಿಗಳನ್ನು ಮೆಚ್ಚಿಸುವ ಭರದಲ್ಲಿ ಸಾಗರ್ ಟುಡು ನೀರಿನ ತೀವ್ರ ರಭಸಕ್ಕೆ ಸಿಲುಕಿ ಕೊಚ್ಚಿಹೋಗಿದ್ದಾರೆ. ಜಲಪಾತದ ಭೋರ್ಗರೆಯುವ ನೀರಿನಲ್ಲಿ ಸೆಳೆಯಲ್ಪಟ್ಟ ಅವರು ಕಣ್ಣಿಮೆ ಮುಚ್ಚುವುದರೊಳಗೆ ನೀರಿನಲ್ಲಿ ಮುಳುಗಿದ್ದು, ನಂತರ ಶವವಾಗಿ ಪತ್ತೆಯಾಗಿದ್ದಾರೆ.

ಸೋಷಿಯಲ್ ಮೀಡಿಯಾದಲ್ಲಿ ಜನಪ್ರಿಯತೆ ಗಿಟ್ಟಿಸಿಕೊಳ್ಳಲು ಹಾಗೂ ಹೆಚ್ಚು ಲೈಕ್ಸ್-ವ್ಯೂಸ್ ಪಡೆಯಲು ಯುವಜನತೆ ತಮ್ಮ ಜೀವವನ್ನೇ ಪಣಕ್ಕಿಡುತ್ತಿರುವುದು ಆತಂಕಕಾರಿ ಬೆಳವಣಿಗೆಯಾಗಿದೆ. ಸಾಗರ್ ಟುಡು ಅವರ ಈ ಆಕಸ್ಮಿಕ ಸಾವು ಅವರ ಕುಟುಂಬಸ್ಥರು ಹಾಗೂ ಅಭಿಮಾನಿಗಳಲ್ಲಿ ತೀವ್ರ ಶೋಕವನ್ನು ಉಂಟುಮಾಡಿದ್ದು, ಪ್ರಕೃತಿ ವಿಕೋಪ ಮತ್ತು ಅಪಾಯಕಾರಿ ಪ್ರವಾಸಿ ತಾಣಗಳಲ್ಲಿ ವಿಡಿಯೋ ಮಾಡುವ ಮುನ್ನ ಎಚ್ಚರ ವಹಿಸುವಂತೆ ಸ್ಥಳೀಯ ಆಡಳಿತ ಮನವಿ ಮಾಡಿದೆ.

ಸಾಮಾಜಿಕ ಜಾಲತಾಣದ ತಾತ್ಕಾಲಿಕ ಲೈಕ್ಸ್‌ಗಳಿಗಿಂತ ಜೀವ ಅತ್ಯಮೂಲ್ಯ ಎಂಬ ದುಃಖದ ಸಂದೇಶವನ್ನು ಈ ಘಟನೆ ಮತ್ತೊಮ್ಮೆ ನೆನಪಿಸಿದೆ.

pic.twitter.com/X4btqCNxpW — Raj (@Raj_k__) August 29, 2026