ವಿಜಯವಾಡ: ಮೂರು ತಿಂಗಳ ಮಗುವನ್ನು ದುಷ್ಕರ್ಮಿಗಳು ಎರಡು ತಿಂಗಳ ಅವಧಿಯಲ್ಲಿ ಏಳು ಬಾರಿ ಮಾರಾಟ ಮಾಡಿದ್ದು, ಈ ಸಂಬಂಧ 11 ಆರೋಪಿಗಳನ್ನು ಪೊಲೀಸರು ಬಂಧಿಸಿದ್ದಾರೆ.
ಮಕ್ಕಳಿಲ್ಲದ ದಂಪತಿಗೆ ಮಗು ಮಾರಾಟ ಮಾಡುವುದೇ ಇವರ ವೃತ್ತಿಯಾಗಿತ್ತು. ಇದೇ ರೀತಿ ನವಜಾತ ಹೆಣ್ಣು ಮಗುವನ್ನು ಕೈಯಿಂದ ಕೈಗೆ ಬದಲಾಯಿಸಿ ಏಳು ಬಾರಿ ಮಾರಾಟ ಮಾಡಲಾಗಿತ್ತು. ಈ ಪ್ರಕ್ರಿಯೆಯಲ್ಲಿ 11 ಮಂದಿ ಭಾಗಿಯಾಗಿದ್ದಾರೆ.
ಮಗುವಿನ ತಂದೆಗೆ 70 ಸಾವಿರ ರೂ. ನೀಡಿ ಮಗು ಪಡೆದಿದ್ದ ದುಷ್ಕರ್ಮಿಗಳು ಕೊನೆಗೆ 2.5 ಲಕ್ಷ ರೂ.ಗಳಿಗೆ ಮಾರಾಟ ಮಾಡಿದ್ದರು.ಮೂರನೇ ಬಾರಿಗೆ ಹೆಣ್ಣು ಮಗುವಾಗಿದ್ದ ಕಾರಣಕ್ಕೆ ತಂದೆ ಮಗುವನ್ನು ಮಾರಾಟ ಮಾಡಿದ್ದರು.
