ಕದ್ದ ಚಿನ್ನದ ಜತೆಗೆ ಕ್ಷಮಾಪಣೆ ಪತ್ರ ಬರೆದಿಟ್ಟು ಮರಳಿಸಿದ ಕಳ್ಳ!

ತಿರುವನಂತಪುರಂ: ಕಳ್ಳನ ಕೈಗೆ ಚಿನ್ನ ಸಿಕ್ಕರೆ ಮರಳಿ ಸಿಗುವುದುಂಟೆ? ಪೊಲೀಸರು ಹುಡುಕಿಕೊಟ್ಟರೆ ಕೆಲವೊಮ್ಮೆ ಸಿಗುವ ಸಾಧ್ಯತೆಯಿದೆಯೇನೋ. ಆದರೆ ಇಲ್ಲೊಬ್ಬ ಕದ್ದ ಮಾಲನ್ನು ಹಿಂದಿರುಗಿಸಿ ಕ್ಷಮಾಪಣೆ ಕೋರಿದ್ದಾನೆ.

ಇದು ನಡೆದಿರುವುದು ಕೇರಳದ ಅಂಬಲಪ್ಪುಳ ಎಂಬಲ್ಲಿ. ಬಿಜು ವಿ ನಾಯರ್ ಎಂಬವರು ಸಂಬಂಧಿಕರ ಮದುವೆಗೆಂದು ಮಂಗಳವಾರ ಮನೆಯಿಂದ ಹೊರಗೆ ಹೋಗಿದ್ದಾಗ ಕಳ್ಳತನ ನಡೆದಿದೆ.

ಮದುವೆ ಮುಗಿಸಿ ಮನೆಗೆ ಬಂದಾಗ ಘಟನೆ ತಿಳಿದುಬಂದಿದೆ. ತಕ್ಷಣ ಪೊಲೀಸರಿಗೆ ಬಿಜು ವಿ ನಾಯರ್ ದೂರು ನೀಡಿದ್ದಾರೆ. ಆದರೆ ವಿಚಿತ್ರವೆಂದರೆ ಗುರುವಾರ ಬೆಳಿಗ್ಗೆ ಅವರ ಮನೆ ಎದುರು ಪೇಪರ್ ಕವರ್ ಒಂದರಲ್ಲಿ ಕದ್ದ ಮಾಲು ಪತ್ತೆಯಾಗಿದೆ. ಜತೆಗೆ ಕಳ್ಳ ಒಂದು ಪತ್ರವನ್ನೂ ಇಟ್ಟಿದ್ದ!

ಅದರಲ್ಲಿ ತನಗೆ ಹಣದ ತೀರಾ ಅಗತ್ಯವಿತ್ತು. ಅದಕ್ಕಾಗಿ ಕದ್ದೆ. ಆದರೆ ಈಗ ಮರಳಿಸುತ್ತಿದ್ದೇನೆ. ದಯವಿಟ್ಟು ನನ್ನನ್ನು ಪೊಲೀಸರಿಗೆ ಹಿಡಿದುಕೊಡಬೇಡಿ. ನಾನು ಮಾಡಿದ ತಪ್ಪಿಗೆ ಕ್ಷಮೆ ಕೋರುತ್ತೇನೆ ಎಂದು ಬರೆದಿಟ್ಟಿದ್ದ. ಇದನ್ನು ನೋಡಿ ಬಿಜು ನಾಯರ್ ಪೊಲೀಸರಿಗೆ ನೀಡಿದ್ದ ದೂರು ವಾಪಸ್ ಪಡೆದುಕೊಂಡಿದ್ದು, ಪ್ರಕರಣ ಮುಂದುವರಿಸಿದಂತೆ ಕೋರಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.