ಆಗಸ್ಟ್ 5 ರೊಳಗೆ ಭಾರೀ ದಾಳಿಗೆ ಉಗ್ರರ ಸಂಚು

ನವದೆಹಲಿ: ಜಮ್ಮು ಕಾಶ್ಮೀರದ ವಾಯುನೆಲೆ ಮೇಲೆ ಪಾಕ್ ಮೂಲದ ಉಗ್ರರು ಎರಡೆರಡು ಬಾರಿ ದ್ರೋಣ್ ದಾಳಿ ಮಾಡಲೆತ್ನಿಸಿರುವ ಬೆನ್ನಲ್ಲೇ ಖಾಸಗಿ ವಾಹಿನಿಯೊಂದು ಸ್ಪೋಟಕ ಮಾಹಿತಿಯನ್ನು ಹೊರಹಾಕಿದೆ.

ಆಗಸ್ಟ್ 5 ರೊಳಗಾಗಿ ಪಾಕ್ ಪ್ರೇರಿತ ಉಗ್ರರು ಜಮ್ಮು ಕಾಶ್ಮೀರದಲ್ಲಿ ಭಾರೀ ದಾಳಿಯೊಂದನ್ನು ಮಾಡಲು ಸಂಚು ರೂಪಿಸಿದ್ದರು ಎಂದು ಆಂಗ್ಲ ವಾಹಿನಿ ಗುಪ್ತಚರ ಮೂಲಗಳನ್ನು ಆಧರಿಸಿ ವರದಿ ಮಾಡಿದೆ.

ಆಗಸ್ಟ್ 5 ಕ್ಕೆ ಕಾಶ್ಮೀರದಲ್ಲಿ ಆರ್ಟಿಕಲ್ 370 ರದ್ದು ಮಾಡಿ ಎರಡು ವರ್ಷ ಪೂರ್ಣಗೊಳ್ಳಲಿದೆ. ಈ ಸಂದರ್ಭದಲ್ಲೇ ದಾಳಿ ನಡೆಸಿ ವಿಶ್ವದ ಗಮನ ಸೆಳೆಯಲು ಉಗ್ರರು ಯತ್ನಿಸಿದ್ದರು ಎನ್ನಲಾಗಿದೆ.