ಪೊಲೀಸರಿಗೆ ದೂರು ನೀಡಿದ್ದಕ್ಕೆ ಬಾಲಕಿಗೆ ಕಿರುಕುಳ

ಲಕ್ನೋ: ತನ್ನ ಮೇಲೆ ವ್ಯಕ್ತಿಯೊಬ್ಬ ಲೈಂಗಿ ಕಿರುಕುಳ ನೀಡಿದ್ದಾನೆಂದು ಬಾಲಕಿ ಪೊಲೀಸರಿಗೆ ದೂರು ನೀಡಿದ್ದಕ್ಕೆ ಆಕೆಗೆ ಈಗ ಬೆದರಿಕೆ ಹಾಕಲಾಗುತ್ತಿದೆ.

15 ವರ್ಷದ ಬಾಲಕಿ ತನಗಾದ ಕಿರುಕುಳದ ಬಗ್ಗೆ ಪೊಲೀಸರಿಗೆ ದೂರು ನೀಡಿದ್ದಳು. ಈ ಸಂಬಂಧ ಆರೋಪಿಯನ್ನು ಬಂಧಿಸಲಾಗಿತ್ತು.

ಆದರೆ ಆರೋಪಿ ಕಡೆಯವರು ಕೇಸ್ ವಾಪಸ್ ಪಡೆಯುವಂತೆ ಒತ್ತಡ ಹೇರುತ್ತಿದ್ದರು. ಆದರೆ ಒತ್ತಡಕ್ಕೆ ಮಣಿಯದೇ ಹೋಗಿದ್ದಕ್ಕೆ ಮನೆ ಬಳಿ ಬಂದ ಕೆಲವು ದುಷ್ಕರ್ಮಿಗಳು ಬಾಲಕಿ ಮೇಲೆ ಕಲ್ಲು ಬಿಸಾಕಿದ್ದಲ್ಲದೆ, ಮುಖಕ್ಕೆ ಸೆಗಣಿ ರಾಚಿ ಕಿರುಕುಳ ನೀಡಿದ್ದಾರೆ. ಈ ಸಂಬಂಧ ಬಾಲಕಿ ಪೊಲೀಸರಿಗೆ ದೂರು ನೀಡಿದ್ದಾಳೆ.