ಮರುಮದುವೆಯಾಗಲು ಹೊರಟ 80 ರ ವೃದ್ಧನನ್ನು ಕೊಂದ ಮಗ

ಪುಣೆ: 80 ವರ್ಷದ ವಯೋವೃದ್ಧನೊಬ್ಬ ಮರು ಮದುವೆಯಾಗಲು ಹೊರಟಿದ್ದಕ್ಕೆ ಆಕ್ರೋಶಗೊಂಡ ಪುತ್ರ ಆತನನ್ನು ಬರ್ಬರವಾಗಿ ಹತ್ಯೆ ಮಾಡಿರುವ ಘಟನೆ ನಡೆದಿದೆ.

47 ವರ್ಷದ ಪುತ್ರ ತಂದೆಯನ್ನು ಕೊಂದ ಆರೋಪಿ. ವೃದ್ಧ ಮರು ಮದುವೆಗಾಗಿ ವೈವಾಹಿಕ ಅಂಕಣದಲ್ಲಿ ಹೆಸರು ನೊಂದಾಯಿಸಿರುವ ವಿಚಾರ ತಿಳಿದ ಮಗ ಆಕ್ರೋಶಗೊಂಡು ಈ ಕೃತ್ಯವೆಸಗಿದ್ದಾನೆ.

ಘಟನೆ ಬಳಿಕ ನೇರ ಪೊಲೀಸ್ ಠಾಣೆಗೆ ತೆರಳಿ ಶರಣಾಗಿದ್ದಾನೆ. ಇದೀಗ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.