ಹೊಸ ವರ್ಷದಂದು ದೇಶದ ಜನತೆಗೆ ರೈಲ್ವೇ ಶಾಕ್

ನವದೆಹಲಿ: ಹೊಸ ವರ್ಷದ ದಿನವೇ ದೇಶದ ಜನತೆಗೆ ರೈಲ್ವೇ ಇಲಾಖೆ ಶಾಕ್ ನೀಡಿದೆ. ರೈಲು ಪ್ರಯಾಣ ದರವನ್ನು ಹೆಚ್ಚಳ ಮಾಡಲಾಗಿದೆ.

ಸಬ್ ಅರ್ಬನ್ ರೈಲುಗಳನ್ನು ಹೊರತುಪಡಿಸಿ ಉಳಿದೆಲ್ಲಾ ರೈಲು ಸೇವೆಗಳ ದರದಲ್ಲಿ ಪ್ರತೀ ಕಿ.ಮೀ.ಗೆ 1 ಪೈಸೆ ಹೆಚ್ಚಳ ಮಾಡಲಾಗಿದೆ. ಈ ನೂತನ ದರ ಇಂದಿನಿಂದಲೇ ಜಾರಿಯಾಗಲಿದೆ.

ಆದರೆ ಈಗಾಗಲೇ ರಿಸರ್ವೇಷನ್ ಆದ ಟಿಕೆಟ್ ದರದಲ್ಲಿ ವ್ಯತ್ಯಾಸವಾಗುವುದಿಲ್ಲ. ಉಳಿದಂತೆ ಸಾಮಾನ್ಯ ಎಸಿ ರಹಿತ, ನಾನ್ ಸಬ್ ಅರ್ಬನ್ ರೈಲುಗಳಲ್ಲಿ ಪ್ರತೀ. ಕಿ.ಮೀ.ಗೆ 1 ಪೈಸೆ ಹೆಚ್ಚಳವಾದರೆ, ಮೇಲ್/ಎಕ್ಸ್ ಪ್ರೆಸ್, ನಾನ್ ಎಸಿ ರೈಲುಗಳ ದರದಲ್ಲಿ ಪ್ರತೀ ಕಿ. ಮೀ.ಗೆ 2 ಪೈಸೆಯಂತೆ ಹೆಚ್ಚಳವಾಗಿದೆ. ಶತಾಬ್ಧಿ, ರಾಜಧಾನಿ, ತುರಂತೋ ರೈಲುಗಳಲ್ಲೂ ಈ ದರ ಜಾರಿಯಾಗಲಿದೆ.