ಪ್ರೀತಿ ಮಾಡಿದ ತಪ್ಪಿಗೆ ಯುವತಿಗೆ ಸಾವಿನ ಶಿಕ್ಷೆ ನೀಡಿದ ಪೋಷಕರು

ಅಹಮ್ಮದಾಬಾದ್: ದಲಿತ ಯುವಕನನ್ನು ಪ್ರೀತಿಸುತ್ತಿದ್ದ ಕಾರಣಕ್ಕೆ ಯುವತಿಯನ್ನು ಆಕೆಯ ಪೋಷಕರೇ ಉಸಿರುಗಟ್ಟಿಸಿ ಕೊಂದು ಹಾಕಿದ ಘಟನೆ ಗುಜರಾತ್ ನ ಕಛ್ ನಲ್ಲಿ ನಡೆದಿದೆ.

19 ವರ್ಷದ ಯುವತಿ ಕೊಲೆಯಾದವಳು. ಈಕೆಯ ಎದೆ ಮೇಲೆ ತಾಯಿ ಕೂತಿದ್ದರೆ ಸಹೋದರ ಕೈಗಳನ್ನು ಕಟ್ಟಿಹಾಕಿದ್ದ. ಬಳಿಕ ತಂದೆ ಮುಖಕ್ಕೆ ತಲೆದಿಂಬು ಹಾಕಿ ಉಸಿರುಗಟ್ಟಿಸಿ ಕೊಂದಿದ್ದರು. ಬಳಿಕ ಅನುಮಾನ ಬಾರದಂತೆ ಆಕೆಯನ್ನು ನೇಣು ಕುಣಿಕೆಗೆ ಹಾಕಿ ಪೊಲೀಸರ ಮುಂದೆ ನಾಟಕವಾಡಿದ್ದರು.

ಆದರೆ ಮರಣೋತ್ತರ ಪರೀಕ್ಷೆಯಿಂದ ಸತ್ಯಾಂಶ ಬಯಲಾಗಿದೆ. ಇದೀಗ ಮೃತ ಯುವತಿಯ ಪೋಷಕರು ಮತ್ತು ಸಹೋದರನನ್ನು ಪೊಲೀಸರು ಬಂಧಿಸಿದ್ದಾರೆ.