ಗುರುಗ್ರಾಂ ಪೊಲೀಸರು ಶನಿವಾರ ರಾತ್ರಿ ನಗರದಲ್ಲಿ ಚುಡಾಯಿಸುವ ಘಟನೆಗಳಿಗೆ ಕಡಿವಾಣ ಹಾಕಲು ಎಂಜಿ ರಸ್ತೆಯಲ್ಲಿ 121 ಜನ ರೋಡ್ ರೋಮಿಯೊಗಳನ್ನು ಬಂಧಿಸಿ ಆಪರೇಷನ್ ರೋಮಿಯೊ ರಿಟರ್ನ್ಸ್ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದರು.
ನಗರದಲ್ಲಿ ಇತ್ತೀಚೆಗೆ ಹುಡುಗಿಯರನ್ನು ಚುಡಾಯಿಸುವ ಘಟನೆಗಳು ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ 2 ಗಂಟೆಗಳ ಆಪರೇಷನ್ ರೋಮಿಯೊ ಕಾರ್ಯಕ್ರಮ ನಡೆಸಲಾಯಿತು ಎಂದು ಎಸಿಪಿ ಧರಣ ಯಾದವ್ ತಿಳಿಸಿದರು.
ಯುವತಿಯರಿಗೆ ರಾತ್ರಿ ವೇಳೆಯಲ್ಲಿ ಸಂಚರಿಸುವಾಗ ಅಭದ್ರತೆಯ ಭಾವನೆ ಕಾಡುತ್ತಿರುವ ಹಿನ್ನೆಲೆಯಲ್ಲಿ ಈ ಕಾರ್ಯಾಚರಣೆ ನಡೆಸಲಾಗಿದೆ. ಹಿಂದೆ ಕೂಡ ಪೊಲೀಸರು ಇಂತಹ ಅನೇಕ ಕಾರ್ಯಾಚರಣೆಗಳನ್ನು ನಡೆಸಿ ಚುಡಾಯಿಸುವ ಪ್ರಕ್ರಿಯೆಗಳನ್ನು ಮೊಟಕು ಮಾಡಿತ್ತು. ಕಳೆದ ಆಗಸ್ಟ್ 27ರಂದು ಪೊಲೀಸರು ಇದೇ ಸ್ಥಳದಲ್ಲಿ 50 ಜನರನ್ನು ಬಂಧಿಸಿದ್ದರು.
