ದೇಶದಲ್ಲಿ ರೈತರು ಹೇಳಲಾರದಷ್ಟು ಸಮಸ್ಯೆಗಳನ್ನು ಎದುರಿಸುತ್ತಿದ್ದರೆ, ಪ್ರಧಾನಿ ಮೋದಿ ವಿಶ್ವಯಾತ್ರೆಯಲ್ಲಿ ವ್ಯಸ್ತರಾಗಿದ್ದಾರೆ ಎಂದು ಕಾಂಗ್ರೆಸ್ ಉಪಾಧ್ಯಕ್ಷ ರಾಹುಲ್ ಗಾಂಧಿ ಟೀಕಿಸಿದ್ದಾರೆ.
ಉತ್ತರ ಪ್ರದೇಶದಲ್ಲಿ ತಾವು ನಡೆಸುತ್ತಿರುವ ಕಿಸಾನ್ ಯಾತ್ರಾದ ಏಳನೆಯ ದಿನ ಮಿರ್ಜಾಪುರದಲ್ಲಿ ಮಾತನಾಡುತ್ತಿದ್ದ ಕಾಂಗ್ರೆಸ್ ನಾಯಕ, ಮೋದಿ ವಿರುದ್ಧ ಕಿಡಿಕಾರಿದ್ದಾರೆ. ಮೋದಿ ಅವರು ಉದ್ಯಮಪತಿಗಳ 1.10 ಲಕ್ಷ ಕೋಟಿ ಸಾಲಮನ್ನಾ ಮಾಡಿದರು. ಆದರೆ ನಾವು ಉತ್ತರ ಪ್ರದೇಶದಲ್ಲಿ ಅಧಿಕಾರಕ್ಕೇರಿದರೆ 10 ದಿನಗಳೊಳಗೆ ರೈತರ ಸಾಲ ಮನ್ನಾ ಮಾಡುತ್ತೇವೆ ಎಂದು ಅವರು ಭರವಸೆ ನೀಡಿದ್ದಾರೆ.
ನನ್ನ ಘೋಷಣೆ, 'ಸಾಲ ಮನ್ನಾ, ವಿದ್ಯುತ್ ಬಿಲ್ ಅರ್ಧ ಮನ್ನಾ 'ಎಂದು ಅವರು ಹೇಳಿದರು.
ಜನರನ್ನು ಓಲೈಸಲು ಪ್ರಯತ್ನಿಸಿದ ಅವರು ನಾನು ಇಲ್ಲಿ ನಿಮ್ಮಿಂದ ಕಲಿಯ ಬಂದಿದ್ದೇನೆ, ಹೊರತು ಉಪನ್ಯಾಸ ನೀಡಲು ಅಲ್ಲ ಎಂದರು.
ಡಿಯೋರಿಯಾದಲ್ಲಿ ಪ್ರಾರಂಭವಾದ ಈ ಕಿಸಾನ್ ಯಾತ್ರೆ ನವದೆಹಲಿಯಲ್ಲಿ ಕೊನೆಗೊಳ್ಳಲಿದೆ.
