ಅಹಮ್ಮದಾಬಾದ್: ತನ್ನನ್ನು ಬಿಟ್ಟು ಹೋದ ಬೇಸರದಲ್ಲಿ ಗುಜರಾತ್ ನ ವ್ಯಕ್ತಿಯೊಬ್ಬರು ಹೆಂಡತಿಯನ್ನು ತಬ್ಬಿಕೊಂಡು ಜಿಲೆಟಿನ್ ಸ್ಪೋಟಿಸಿಕೊಂಡು ಸಾವನ್ನಪ್ಪಿದ ಘಟನೆ ನಡೆದಿದೆ.
47 ವರ್ಷದ ವ್ಯಕ್ತಿ ತನ್ನನ್ನು ಬಿಟ್ಟು ಹೋಗಿದ್ದ ಹೆಂಡತಿಯ ಮನವೊಲಿಸಲು ಪ್ರಯತ್ನ ನಡೆಸಿದ್ದ. ಆದರೆ ಆಕೆ ಮತ್ತೆ ಗಂಡನ ಮನೆಗೆ ಬರಲು ನಿರಾಕರಿಸಿದ್ದಳು. ಇತ್ತ ಹೆಂಡತಿಯನ್ನೂ ಬಿಟ್ಟಿರಲಾರದೇ ಪತಿ ಬೇಸರಗೊಂಡಿದ್ದ.
ಈ ಕಾರಣಕ್ಕೆ ಒಟ್ಟಾಗಿ ಸಾಯಲು ನಿರ್ಧರಿಸಿದ್ದ. ತನ್ನ ದೇಹಕ್ಕೆ ಸ್ಪೋಟಕ ತಂತಿ ಸುತ್ತಿಕೊಂಡು ಹೆಂಡತಿಯ ತವರು ಮನೆಗೆ ಹೋಗಿದ್ದ ವ್ಯಕ್ತಿ ಆಕೆಯನ್ನು ಕೊನೆಯ ಬಾರಿ ತಬ್ಬಿಕೊಳ್ಳುವ ಆಸೆ ವ್ಯಕ್ತಪಡಿಸಿದ್ದಾನೆ. ಅದರಂತೆ ಆಕೆ ತಬ್ಬಿಕೊಂಡಾಗ ಸ್ಪೋಟಕ ಸ್ಪೋಟಿಸಿಕೊಂಡು ಇಬ್ಬರೂ ಸಾವನ್ನಪ್ಪಿದ್ದಾರೆ.