ಕೋಲ್ಕತ್ತಾ: ಆರ್ ಜಿ ಕರ್ ಆಸ್ಪತ್ರೆಯಲ್ಲಿ ಟ್ರೈನಿ ವೈದ್ಯೆಯ ಮೇಲೆ ರೇಪ್ ಆಂಡ್ ಮರ್ಡರ್ ಆರೋಪದಲ್ಲಿ ಬಂಧಿತನಾಗಿರುವ ಆರೋಪಿ ಸಂಜಯ್ ರಾಯ್ ಜೈಲಲ್ಲಿ ಊಟಕ್ಕಾಗಿ ಮಾಡುತ್ತಿರುವ ಡಿಮ್ಯಾಂಡ್ ಎಂತಹದ್ದು ನೋಡಿ.
ಕೋಲ್ಕತ್ತಾ ವೈದ್ಯೆ ಹತ್ಯೆ ಆರೋಪಿಯನ್ನು ನ್ಯಾಯಾಲಯ 14 ದಿನಗಳ ನ್ಯಾಯಾಂಗ ಬಂಧನಕ್ಕೆ ನೀಡಿದೆ. ಹೀಗಾಗಿ ಈತ ಸದ್ಯಕ್ಕೆ ಪ್ರೆಸಿಡೆನ್ಷಿಯಲ್ ಕರೆಕ್ಷನ್ ಹೋಂ ಕೇಂದ್ರ ಕಾರಾಗೃಹದಲ್ಲಿದ್ದಾನೆ. ಈತ ಈಗ ಊಟದ ವಿಚಾರದಲ್ಲಿ ಜೈಲು ಸಿಬ್ಬಂದಿ ಜೊತೆ ಸದಾ ಕಿರಿಕ್ ಮಾಡುತ್ತಿದ್ದಾನೆ ಎಂದು ತಿಳಿದುಬಂದಿದೆ.
ಈ ಜೈಲಿನಲ್ಲಿ ಖೈದಿಗಳಿಗೆ ರೋಟಿ ಸಬ್ಜಿ ನೀಡಲಾಗುತ್ತಿದೆ. ಆದರೆ ಈ ಪಾಪಿಗೆ ಅದು ನೀಡಿದರೂ ಸಾಲದಂತೆ ಪ್ರತಿನಿತ್ಯ ರೋಟಿ ಸಬ್ಜಿ ನೀಡುತ್ತಿರುವುದಕ್ಕೆ ಈತ ಕ್ಯಾತೆ ತೆಗೆದಿದ್ದಾನೆ. ಜೈಲು ಸಿಬ್ಬಂದಿಗಳ ಜೊತೆ ಊಟದ ವಿಚಾರಕ್ಕೆ ಕಿತ್ತಾಡಿದ್ದಾನೆ ಎಂದು ತಿಳಿದುಬಂದಿದೆ. ಅಷ್ಟಕ್ಕೂ ಆತನ ಡಿಮ್ಯಾಂಡ್ ಏನು ಗೊತ್ತಾ?
ನನಗೆ ಪ್ರತಿನಿತ್ಯ ರೋಟಿ ಸಬ್ಜಿ ನೀಡಬೇಡಿ, ನನಗೆ ಮೊಟ್ಟೆ ನೀಡಿ ಎಂದು ಆತ ಬೇಡಿಕೆಯಿಟ್ಟಿದ್ದಾನೆ. ಈತನ ಕ್ಯಾತೆ ನೋಡಿ ಸಿಟ್ಟಿಗೆದ್ದ ಜೈಲು ಸಿಬ್ಬಂದಿ ಎಚ್ಚರಿಕೆ ನೀಡಿದ ಬಳಿಕ ಮರು ಮಾತಿಲ್ಲದೇ ರೋಟಿ ತಿಂದಿದ್ದಾನೆ ಎಂದು ತಿಳಿದುಬಂದಿದೆ. ದೇಶವೇ ಆಕ್ರೋಶಗೊಳ್ಳುವಂತೆ ಮಾಡಿದ ಪ್ರಕರಣದಲ್ಲಿ ಬಂಧಿಯಾಗಿರುವ ಈತನ ಧಿಮಾಕಿಗೆ ಜೈಲು ಅಧಿಕಾರಿಗಳೇ ರೊಚ್ಚಿಗೆದ್ದಿದ್ದಾರಂತೆ.
