ನೂತನ ವಿದೇಶಾಂಗ ಸಚಿವ ಜೈಶಂಕರ್ ಬಗ್ಗೆ ನಿಮಗೆ ಗೊತ್ತಾ?

ನವದೆಹಲಿ: ಪ್ರಧಾನಿ ಮೋದಿ ಸಂಪುಟದಲ್ಲಿ  ಈ ಬಾರಿ ವಿದೇಶಾಂಗ ಸಚಿವರಾಗಿ ಸುಬ್ರಹ್ಮಣ್ಯಂ ಜೈಶಂಕರ್ ಅವರಿಗೆ ಮಣೆ ಹಾಕಲಾಗಿದೆ. ಇದುವರೆಗೆ ಈ ಹೆಸರು ಅಷ್ಟೊಂದು ಪರಿಚಿತವಾಗಿರಲಿಲ್ಲ. ಇದ್ದಕ್ಕಿದ್ದ ಹಾಗೆ ಜೈಶಂಕರ್ ಹೆಸರು ಕೇಳಿಬಂದಾಗ ಅವರು ಯಾರು ಎಂಬ ಕುತೂಹಲ ಬಂದೇ ಬರುತ್ತದೆ.

ಅದೂ ನಮ್ಮ ದೇಶದ ವಿದೇಶಾಂಗ ಸಚಿವರ ಬಗ್ಗೆ ನಮಗೆ ಗೊತ್ತಿರಲೇಬೇಕಲ್ಲವೇ? ಇಷ್ಟೊಂದು ಪ್ರಭಾವಿ ಖಾತೆಯನ್ನು ಮೋದಿ ಜೈಶಂಕರ್ ಹೆಗಲಿಗೇರಿಸಲು ಕಾರಣವೇನು ಗೊತ್ತಾ?

ದೆಹಲಿ ಮೂಲದ ಜೈಶಂಕರ್ ಮೂಲತಃ ಅಮೆರಿಕಾದಲ್ಲಿ ಭಾರತೀಯ ರಾಯಭಾರಿಯಾಗಿ, ವಿದೇಶಾಂಗ ಕಾರ್ಯದರ್ಶಿಯಾಗಿ ಕೆಲಸ ಮಾಡಿದ ಅನುಭವಿ. ಭಾರತ ಮತ್ತು ಅಮೆರಿಕಾ ನಡುವಿನ ಪರಮಾಣು ಒಪ್ಪಂದದಲ್ಲಿ ಪ್ರಮುಖ ಪಾತ್ರ ವಹಿಸಿದವರು ಇದೇ ಜೈಶಂಕರ್.

ಇವರ ಸೇವೆ ಪರಿಗಣಿಸಿ ಪದ್ಮಶ್ರೀ ಪ್ರಶಸ್ತಿಯೂ ಇವರಿಗೆ ಒಲಿದು ಬಂದಿದೆ. ವಿದೇಶಾಂಗ ವಿಚಾರಗಳಲ್ಲಿ ಅಪಾರ ಅನುಭವ ಹೊಂದಿರುವ ಜೈಶಂಕರ್ ಇದೇ ಮೊದಲ ಬಾರಿಗೆ ಸಚಿವರಾಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ.