ನವದೆಹಲಿ: ಸುಪ್ರೀಂಕೋರ್ಟ್ ನ 48 ನೇ ಮುಖ್ಯ ನ್ಯಾಯಮೂರ್ತಿಯಾಗಿ ನ್ಯಾ. ರಮಣ ಶನಿವಾರ ಪ್ರಮಾಣ ವಚನ ಸ್ವೀಕರಿಸಿದ್ದಾರೆ.
ನ್ಯಾ.ಎಸ್ ಬೋಬ್ಡೆ ನಿವೃತ್ತರಾದ ಬಳಿಕ ನ್ಯಾ. ರಮಣ ಸುಪ್ರೀಂಕೋರ್ಟ್ ನ ಮುಖ್ಯ ನ್ಯಾಯಮೂರ್ತಿಗಳಾಗಿ ಅಧಿಕಾರ ಸ್ವೀಕರಿಸಿದ್ದಾರೆ. ರಾಷ್ಟ್ರಪತಿ ಭವನದಲ್ಲಿ ನಡೆದ ಸರಳ ಸಮಾರಂಭದಲ್ಲಿ ರಾಷ್ಟ್ರಪತಿ ರಮಾನಾಥ್ ಕೋವಿಂದ್, ನ್ಯಾ. ರಮಣ ಅವರಿಗೆ ಪ್ರಮಾಣ ವಚನ ಬೋಧಿಸಿದರು.
ಆಂಧ್ರಪ್ರದೇಶ ಮೂಲದವರಾದ ರಮಣ ಈಗ ಪರಮೋನ್ನತ ಹುದ್ದೆಗೇರಿದ್ದಾರೆ. ಇನ್ನೀಗ, ಸುಪ್ರೀಂಕೋರ್ಟ್ ನಲ್ಲಿ ಖಾಲಿ ಇರುವ 6 ಉನ್ನತ ಹುದ್ದೆಗಳನ್ನು ಅವರು ಭರ್ತಿಗೊಳಿಸಲಿದ್ದಾರೆ.
