ನವದೆಹಲಿ: ಒಂದೆಡೆ ಚೀನಾ ಸೇನೆ ಜತೆಗೆ ಗಡಿಯಲ್ಲಿ ಗುದ್ದಾಟ ನಡೆಯುತ್ತಿದ್ದರೆ ಆ ಗುದ್ದಾಟಕ್ಕೆ ಕಾರಣವಾಗಿರುವ ಗಲ್ವಾನ್ ಕಣಿವೆಯ ಸೇತುವೆ ನಿರ್ಮಾಣ ಕಾರ್ಯವನ್ನು ಭಾರತೀಯ ಸೇನಾ ಇಂಜಿನಿಯರ್ ಗಳು ಕೆಲವೇ ಗಂಟೆಗಳಲ್ಲಿ ಪೂರ್ತಿಗೊಳಿಸಿದ್ದಾರೆ!
ಚೀನಾದ ಕೆಂಗಣ್ಣಿಗೆ ಪ್ರಮುಖ ಕಾರಣಗಳಲ್ಲಿ ಗಲ್ವಾನ್ ನ ಈ ಸೇತುವೆ ನಿರ್ಮಾಣವೂ ಒಂದು. ಆದರೆ ಚೀನಾ ಸೇನೆ ಜತೆಗೆ ಕಾದಾಟವಾಗುತ್ತಿದ್ದಾಗಲೇ ಸೇನೆಯ ಇಂಜಿನಿಯರ್ ಗಳಿಗೆ ಈ ಸೇತುವೆಯನ್ನು ಎಷ್ಟು ಬೇಗ ಸಾಧ‍್ಯವೋ ಅಷ್ಟು ಬೇಗ ಪೂರ್ತಿಗೊಳಿಸುವಂತೆ ಆದೇಶ ಬಂದಿತ್ತು. ಅದರಂತೆ ಗುರುವಾರದ ವೇಳೆ ಸೇತುವೆ ನಿರ್ಮಾಣ ಪೂರ್ಣಗೊಂಡಿದೆ ಎಂದು ಆಂಗ್ಲ ಮಾಧ್ಯಮವೊಂದು ವರದಿ ಮಾಡಿದೆ.
