ಪತ್ನಿಗೆ ತಲಾಖ್ ನೀಡಲು ಕುಂಟು ನೆಪ

ಅಹಮ್ಮದಾಬಾದ್: ಹಾಲು ಕೊಡಲು ತಡಮಾಡಿದಳೆಂದು ನೆಪ ಹೇಳಿ ಪತಿ ಪತ್ನಿಗೆ ತಲಾಖ್ ನೀಡಿದ ಪ್ರಕರಣ ಗುಜರಾತ್ ನಲ್ಲಿ ನಡೆದಿದೆ.

ಈ ಬಗ್ಗೆ ಪತ್ನಿ ಪೊಲೀಸರಿಗೆ ದೂರು ನೀಡಿದ್ದಾಳೆ. ಜೊತೆಗೆ ತನ್ನ ಗಂಡ ಮತ್ತು ಅತ್ತೆ ವರದಕ್ಷಿಣೆ ಕಿರುಕುಳ ನೀಡುತ್ತಿದ್ದರೆಂದು ಆರೋಪಿಸಿದ್ದಾಳೆ.

ತನ್ನ ಗಂಡ, ಅತ್ತೆ, ತವರು ಮನೆಯಿಂದ 1 ಲಕ್ಷ ರೂ. ತರುವಂತೆ ಪೀಡಿಸುತ್ತಿದ್ದರು ಎಂದು ಮಹಿಳೆ ದೂರಿದ್ದಾಳೆ.  ಇದಕ್ಕೆ ಒಪ್ಪದೇ ಇದ್ದಿದ್ದಕ್ಕೆ ಹಾಲಿನ ನೆಪ ಹೇಳಿ ತಲಾಖ್ ನೀಡಿದ್ದಾರೆ ಎಂದಿದ್ದಾಳೆ. ಇತ್ತೀಚೆಗೆ ಮಗು ಹಾಲು, ತಿಂಡಿ ಕೇಳಿದ ಸಮಯದಲ್ಲೇ ಪತಿಯೂ ಹಾಲು ಕೊಡಲು ಹೇಳಿದ್ದ. ಆದರೆ ಮಗುವಿಗೆ ಹಾಲು ಕೊಟ್ಟು ಬಳಿಕ ಗಂಡನಿಗೆ ಹಾಲು ಕೊಟ್ಟಿದ್ದಕ್ಕೆ ಕೆರಳಿದ ಪತಿ ಸಂಬಂಧಿಕರ ಎದುರಿನಲ್ಲಿ ನನಗೆ ತಲಾಖ್ ನೀಡಿದ್ದಾನೆ ಎಂದು ಮಹಿಳೆ ದೂರಿನಲ್ಲಿ ವಿವರಿಸಿದ್ದಾಳೆ. ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.