Publish Date: Thu, 16 Nov 2017 (09:28 IST)
Updated Date: Thu, 16 Nov 2017 (09:29 IST)
ನವದೆಹಲಿ: ಸಿನಿಮಾಗಳಲ್ಲಿ ಹೀರೋಯಿನ್ ಮುನಿಸಿಕೊಂಡಾಗ ಹೀರೋ ಹಾಡು ಹೇಳಿ ಆಕೆಯನ್ನು ಒಲಿಸಿಕೊಳ್ಳುವುದು ನೋಡಿದ್ದೇವೆ. ಅಂತಹದ್ದೇ ಘಟನೆ ನಿಜ ಜೀವನದಲ್ಲೂ ಒಂದು ಕಡೆ ನಡೆದಿದೆ.
ಝಾನ್ಸಿಯಲ್ಲಿ ಪತಿ ಮಹಾಶಯನೊಬ್ಬ ಮುನಿದು ತನ್ನ ಮೇಲೆ ಕೇಸ್ ಹಾಕಿದ ಪತ್ನಿಯನ್ನು ಪೊಲೀಸ್ ಠಾಣೆಯಲ್ಲೇ ಹಾಡು ಹೇಳಿ ಒಲಿಸಿಕೊಂಡಿದ್ದಾನೆ. ಈ ವಿಡಿಯೋವನ್ನು ದೆಹಲಿ ಪೊಲೀಸ್ ಅಧಿಕಾರಿ ಮಧುರ್ ವರ್ಮಾ ತಮ್ಮ ಟ್ವಿಟರ್ ಪೇಜ್ ನಲ್ಲಿ ಅಪ್ ಲೋಡ್ ಮಾಡಿದ್ದಾರೆ.
ಹಲವು ವರ್ಷಗಳಿಂದ ಜತೆಯಾಗಿದ್ದ ಪತಿ-ಪತ್ನಿ ನಡುವೆ ಕೆಲವು ತಿಂಗಳುಗಳ ಹಿಂದೆ ಕಲಹ ನಡೆದು, ಪತ್ನಿ ಆತನ ಮೇಲೆ ಝಾನ್ಸಿ ಠಾಣೆಯಲ್ಲಿ ದೂರು ದಾಖಲಿಸಿದ್ದಳಂತೆ. ಈ ಸಂದರ್ಭದಲ್ಲಿ ಪೊಲೀಸ್ ಠಾಣೆಗೆ ಇಬ್ಬರೂ ಹಾಜರಾಗಿದ್ದರು.
ಈ ವೇಳೆ ಪತಿ ‘ನಾ ಸೀಖಾ ಜೀನಾ ತೇರಾ ಬಿನಾ ಹಮ್ ದುಮ್’ ಎಂಬ ಹಿಂದಿ ಹಾಡನ್ನು ಪತ್ನಿಗಾಗಿ ಪೊಲೀಸರ ಎದುರಲ್ಲೇ ಹಾಡಿದನಂತೆ. ಪತಿಯ ಹಾಡಿಗೆ ಕರಗಿದ ಪತ್ನಿ ಮುನಿಸು ಮರೆತು ಪತಿಯನ್ನು ಸೇರಿದ್ದಾಳೆ ಎನ್ನಲಾಗಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್ದುನಿಯಾ
ಮೊಬೈಲ್ ಆ್ಯಪ್ ಡೌನ್ ಲೋಡ್ ಮಾಡಿಕೊಳ್ಳಿ