ಅಶಾಂತಿ, ಉಗ್ರವಾದಕ್ಕೆ ಮತ್ತೊಂದು ಹೆಸರು ಪಾಕಿಸ್ತಾನ. ಉಗ್ರರನ್ನು ಪೋಷಿಸುತ್ತಿರುವ ಪಾಕಿಸ್ತಾನದಲ್ಲಿ ಬಂದೂಕು, ಪಿಸ್ತೂಲು, ವಿಧ್ವಂಸಕ ಸಾಧನಗಳು ಸ್ಮಾರ್ಟ್ ಫೋನ್‌ಗಿಂತ ಅಗ್ಗದ ದರದಲ್ಲಿ ಮಾರಾಟವಾಗುತ್ತದೆ ಎಂದರೆ ನಂಬುತ್ತೀರಾ? ಹೌದು ಗುಡ್ಡಗಾಡು ನಗರ ದರ್ರಾ ಆದಂಖೇಲ್ ಎಂಬ ಪಟ್ಟಣದಲ್ಲಿ ಸ್ಮಾರ್ಟ್ಫೋನಿಗಿಂತ ಕಡಿಮೆ ದರದಲ್ಲಿ, ಉತ್ಪಾದನಾ ವೆಚ್ಚದಲ್ಲಿಯೇ ಕಾಳ ಸಂತೆಯಲ್ಲಿ ಪಿಸ್ತೂಲು, ಬಂದೂಕುಗಳು ಮಾರಾಟವಾಗುತ್ತವೆ.
ಪೇಶಾವರದಿಂದ ದಕ್ಷಿಣಕ್ಕೆ 35 ಕಿ ಮೀ ದೂರದಲ್ಲಿರುವ ಈ ಪಟ್ಟಣ ಬೆಟ್ಟಗುಡ್ಡಗಳಿಂದ ಸುತ್ತುವರೆದಿದ್ದು ದಶಕಗಳಿಂದ ಅಪರಾಧ ಚಟುವಟಿಕೆಗಳ ಕೇಂದ್ರವಾಗಿದೆ. ಕಳ್ಳಸಾಗಾಣಿಕೆ, ಡ್ರಗ್ ಮಾಫಿಯಾ ಇಲ್ಲಿ ಸಾಮಾನ್ಯವಾಗಿದ್ದು ಕದ್ದ ಕಾರಿನಿಂದ ಹಿಡಿದು ವಿಶ್ವವಿದ್ಯಾಲಯ ಪದವಿಯ ನಕಲಿ ಪ್ರಮಾಣಪತ್ರಗಳು ಸಹ ಸಿಗುತ್ತವೆ.
ಎಲ್ಲ ಮಾದರಿ ಬಂದೂಕು, ಪಿಸ್ತೂಲು, ಸ್ಪೋಟಕಗಳು ಸುಲಭವಾಗಿ ಲಭ್ಯವಿದ್ದು 1980 ರಿಂದ ಇಲ್ಲಿ ದಂಧೆ ನಡೆಯುತ್ತಿದೆ. ಪಾಕ್ ಗಡಿಯ ತಾಲಿಬಾನಿ ಉಗ್ರರ ಸ್ಪೋಟಕ ಖರೀದಿ ತಾಣವಾಗಿದೆ ಇದು. ನವಾಜ್ ಷರೀಫ್ ಪ್ರಧಾನಿಯಾದ ಬಳಿಕ ಅಕ್ರಮ ವ್ಯಾಪಾರಕ್ಕೆ ಸ್ವಲ್ಪ ಮಟ್ಟಿನ ಕಡಿವಾಣ ಬಿದ್ದಿದೆ ಎನ್ನುತ್ತಾನೆ ವ್ಯಾಪಾರಿ ಖಿತಾಬ್ ಗುಲ್.
ಅಮೆರಿಕ ಸೇನೆಯಲ್ಲಿ ಬಳಸಲಾಗುವ ಎಮ್ ಪಿ-5 ಮಾದರಿಯ ಸಬ್ವೆುಷಿನ್ ಗನ್ಗಳಿಂದ ಹಿಡಿದು ತರೇಹವಾರಿ ಗನ್‌ಗಳು ಇಲ್ಲಿ ಸಿಗುತ್ತವೆ. ಕಳೆದ 10 ವರ್ಷಗಳಲ್ಲಿ 10 ಸಾವಿರಕ್ಕೂ ಹೆಚ್ಚು ಗನ್ಗಳನ್ನು ಮಾರಾಟ ಮಾಡಿದ್ದೇನೆ ಎನ್ನುತ್ತಾನೆ ಗುಲ್.
ತಾಜಾ ಸುದ್ದಿಗಳಿಗಾಗಿ ವೆಬ್ ದುನಿಯಾ
ಮೊಬೈಲ್ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ.
