Publish Date: Wed, 09 Sep 2020 (08:03 IST)
Updated Date: Wed, 09 Sep 2020 (08:48 IST)
ಜಾರ್ಖಂಡ್ : ಪುರುಷರ ಗುಂಪೊಂದು ಆಶ್ರಮಕ್ಕೆ ನುಗ್ಗಿ 30 ವರ್ಷದ ಸಾಧ್ವಿಯ ಮೇಲೆ ಮಾನಭಂಗ ಎಸಗಿದ ಘಟನೆ ಜಾರ್ಖಂಡ್ ನ ಗೊಡ್ಡಾ ಜಿಲ್ಲೆಯಲ್ಲಿ ನಡೆದಿದೆ.
ಜಾರ್ಖಂಡ್ ನ ಗೊಡ್ಡಾ ಜಿಲ್ಲೆಯ ರಾಣಿದಿಹ್ ಎಂಬಲ್ಲಿರುವ ಆಶ್ರಮವೊಂದರಲ್ಲಿ ತಪಸ್ವಿಗಳು ವಾಸವಾಗಿದ್ದರು. ಮಂಗಳವಾರ ಮಧ್ಯಾಹ್ನ 2.30ರ ವೇಳೆಗೆ ಪುರುಷರ ಗುಂಪೊಂದು ಆಶ್ರಮಕ್ಕೆ ನುಗ್ಗಿ ತಪಸ್ವಿಗಳಿಗೆ ಗನ್ ತೋರಿಸಿ ಹೆದರಿಸಿ ಅವರನ್ನು ಕೋಣೆಯಲ್ಲಿ ಕೂಡಿ ಹಾಕಿ ಅಲ್ಲಿದ್ದ ಸಾಧ್ವಿಯ ಮೇಲೆ ಮಾನಭಂಗ ಎಸಗಿ ಪರಾರಿಯಾಗಿದ್ದಾರೆ.
ಬಳಿಕ ಸ್ಥಳೀಯರು ಈ ಬಗ್ಗೆ ಪೊಲೀಸರಿಗೆ ಮಾಹಿತಿ ನೀಡಿದ್ದು, ತಕ್ಷಣ ಸ್ಥಳಕ್ಕೆ ಬಂದ ಪೊಲೀಸರು ಈ ಬಗ್ಗೆ ಪ್ರಕರಣ ದಾಖಲಿಸಿಕೊಂಡು ಆರೋಪಿಗಳನ್ನು ಬಂಧಿಸುವುದಾಗಿ ತಿಳಿಸಿದ್ದಾರೆ ಎನ್ನಲಾಗಿದೆ.