ಊಟ ಬಡಿಸಲು ವಿಳಂಬವಾಗಿದ್ದಕ್ಕೆ ಮದುವೆ ಮುರಿದುಕೊಂಡ ವರನ ಮನೆಯವರು

ಬಿಹಾರ: ಊಟ ಬಡಿಸಲು ವಿಳಂಬ ಮಾಡಿದರು ಎಂಬ ಕ್ಷುಲ್ಲುಕ ಕಾರಣಕ್ಕೆ ವರನ ಕಡೆಯವರು ಮದುವೆ ಮನೆಯಿಂದಲೇ ಮದುವೆ ಮುರಿದು ವಾಪಸಾದ ಘಟನೆ ಬಿಹಾರದಲ್ಲಿ ನಡೆದಿದೆ.

ವರನ ಕಡೆಯವರು ವಿವಾಹ ಮಂಟಪಕ್ಕೆ ಆಗಮಿಸಿದ್ದರು. ಆದರೆ ನಿಗದಿತ ಸಮಯಕ್ಕೆ ಊಟ ತಯಾರಾಗಿರಲಿಲ್ಲ. ಹೀಗಾಗಿ ವರನ ತಂದೆ ಈ ವಿಚಾರವಾಗಿ ವಧುವಿನ ಮನೆಯವರ ಜೊತೆ ತಗಾದೆ ತೆಗೆದಿದ್ದರು.

ಬಳಿಕ ಇದನ್ನೇ ಮುಂದಿಟ್ಟುಕೊಂಡು ಜಗಳವಾಡಿಕೊಂಡಿದ್ದು, ಮದುವೆ ಮನೆಯಿಂದಲೇ ಸಂಬಂಧವೇ ಬೇಡವೆಂದು ವಾಪಸಾಗಿದ್ದಾರೆ. ಜೊತೆಗೆ ವರನಿಗೆ ವರದಕ್ಷಿಣೆಯಾಗಿ ನೀಡಿದ್ದ ಬೈಕ್, ಮತ್ತಿತರ ವಸ್ತುಗಳನ್ನು ಹಿಂತಿರುಗಿಸಿದ್ದಾರೆ. ಈ ಬಗ್ಗೆ ವಧುವಿನ ಮನೆಯವರು ವರನ ಮನೆಯವರ ವಿರುದ್ಧ ಪೊಲೀಸರಿಗೆ ದೂರು ನೀಡಿದ್ದಾರೆ.